Bul joly qabyldaý onlaın rejımde ótedi.
Almaty joldarynda azamattardy qabyldaý jalǵasýda, – dep habarlaıdy Almaty-akshamy.kz Polisia.kz-ke silteme jasap.
«Joldaǵy qabyldaý» profılaktıkalyq jáne zańdy túsindirý naýqany búginde kópshilikke tanys. Bul óte ózekti, óıtkeni halyq jol qozǵalysy qaýipsizdigi salasynda keńester men zań kómegin yńǵaıly jerde jáne ýaqytta ala alady.
«2021 jyly 16 jáne 17 shildede Almaty qalasynyń aýmaǵynda «Joldaǵy qabyldaý» respýblıkalyq naýqanynyń kelesi kezeńin ótkizý josparlanǵan. Bul joly ol onlaın-rejıminde ótedi. Ádette turǵyndarmen dıalog jol qaýipsizdigi boıynsha azamattardy mazalaıtyn problemalyq suraqtardy talqylaý túrinde júzege asyrylady. Polısıa qyzmetkerleri iri shahar Almatydaǵy jol qaýipsizdigi máselesiniń ózektiligin anyq túsinedi. Sondaı-aq baılanys telefondary bolatynyn atap ótkim keledi, munda azamattar qońyraý shalyp, polısıanyń qyzmetine qatysty ózderin qyzyqtyratyn kez-kelgen suraqtaryn qoıa alady nemese WhatsApp-habarlamasyn búkil naýqan kezinde myna telefon nómiri arqyly jibere alady: 8-776-777-78-98», – dep habarlady Almaty qalasy ákimshilik polısıa basqarmasynyń bastyǵy Jandos Muratalıev.
Sonymen qatar osy kúnderi ákimshilik polısıa, kóshi-qon jáne jergilikti polısıa qyzmeti basshylyǵynyń qatysýymen tikeleı efırler ótkizý josparlanýda.