Bir aıdyń ózinde avtobýs júrgizýshileriniń kinásinen 35 jol-kólik oqıǵasy oryn aldy
Almatyda jolaýshylar tasymalymen aınalysatyn kólikter tekserilýde, – dep habarlaıdy Almaty-akshamy.kz Polisia.kz-ke silteme jasap.
«Avtobýs» jedel-aldyn alý is-sharasy aıasynda jolaýshylar tasymalymen aınalysatyn avtokólik kásiporyndaryn shahardyń jol jaǵdaıynda avtobýstardyń tehnıkalyq jaǵdaıyna, durys jumys isteýine muqıat tekserý uıymdastyryldy.
«Osylaısha, biz avtomobıl kóliginde jolaýshylar men júkti tasymaldaıtyn júrgizýshilerdiń kólik jáne eńbek tártibin jaqsartý, tehnıkalyq aqaýy bar nemese qaıta jabdyqtalǵan jolaýshylar kóligin paıdalaný derekterin aldyn alý, sondaı-aq, zańsyz jolaýshylar tasymalynyń jolyn kesý maqsatyn kózdep otyrmyz. Bul jumysqa múddeli memlekettik organdardyń da, azamattyq alánstyń ókilderi de barynsha jumyldyrylǵan», – dedi Almaty qalalyq PD Ákimshilik polısıa basqarmasynyń bastyǵy Nurlan Amanbek.
Polısıada qabyldanǵan sharalarǵa qaramastan, avtobýs júrgizýshileri jol qozǵalysy erejelerin óreskel buzyp, jol-kólik oqıǵalaryna jol berip jatqanyn atap ótti. Bir aıdyń ózinde avtobýs júrgizýshileriniń kinásinen 35 jol-kólik oqıǵasy oryn aldy, sonyń saldarynan 2 adam qaza taýyp, taǵy 38 adam jaraqat alǵan.
«Búginde Almatyda jolaýshylar tasymalymen aınalysatyn qalalyq avtokólik kásiporyndarynyń sany aıtarlyqtaı qysqarǵanyn aıta ketken jón. Alaıda olardyń basshylary tarapynan jol qaýipsizdigin qamtamasyz etý boıynsha tıisti sharalar qabyldanbaı otyr, sondaı-aq Qazaqstannyń basqa aımaqtarynan kólik aǵyny joǵary jaǵdaıda júrýge beıimdelmegen, tótenshe jaǵdaılar týǵyzatyn, aýyr zardaptarmen jol-kólik oqıǵalaryn jasaıtyn avtobýs júrgizýshilerin tartady. Osyǵan baılanysty, júrgizýshi quramynyń kóliktik tártibin tıisti baqylaýda ustamaǵany úshin 4 laýazymdy tulǵa ákimshilik jaýapkershilikke tartyldy», — dedi N. Amanbek.
Qazirgi ýaqytta qala syrtyndaǵy joldarda, sondaı-aq qalalar men eldi mekenderde patrúldik polısıa narádtarynyń tyǵyzdyǵy artty. Profılaktıkalyq jáne reıdtik is-sharalar jalǵasýda.