Almatyda birqatar jolaıryqtarynda eskirgen qorshaýdy tozýǵa tózimdi jáne qaýipsiz qorshaýǵa aýystyrý jumystary júrgizilýde.
Mysaly, Baızaqov pen Manas kósheleriniń arasyndaǵy Sátbaev kóshesindegi jolaıryǵyndaǵy qubyrly metal qorshaý 15 jyldan astam ýaqyt buryn ornatylǵan. Paıdalaný jyldarynda qorshaýǵa birneshe ret aǵymdaǵy jóndeý júrgizildi, biraq zertteý kórsetkendeı, búginde ol ábden eskirgen.
Sonymen qatar, qubyrly qorshaý qajetti qaýipsizdik deńgeıin qamtamasyz etpeıdi, al ornatylǵan tolqyndyq qorshaý tózimdi ári traektorıany sál buryshpen túzetedi. Ol sondaı-aq myryshtalǵan metaldan jasalǵan, ıaǵnı korozıaǵa tózimdi.
Joǵaryda kórsetilgen jolaıryǵynda barlyǵy 3 myń metrge jýyq qorshaý aýystyrylady. Jumystardy aǵymdaǵy jyldyń 10 qarashasyna deıin aıaqtaý josparlanýda.
Osyǵan uqsas jumystar Raıymbek pen Súıinbaı dańǵyldarynyń qıylysynda júrgizilýde. Barlyǵy 2,5 myń metr qorshaý aýystyrylady. Jumystardy aıaqtaýdyń josparlanǵan merzimi – qarasha aıynyń sońy.
Buǵan deıin mundaı qorshaý Raıymbek dańǵylynyń soltústigindegi Nazarbaev dańǵylynyń boıyndaǵy estakadaǵa ornatylǵan bolatyn.