Jol qozǵalysyn retteýdiń tehnıkalyq quraldaryn qalpyna keltirý jumystaryn 13 brıgada júrgizedi. Zaqymdalǵan 46 baǵdarsham nysanynyń 38-i qalpyna keltirildi, onyń 5-ýi ýaqytsha syzba boıynsha. Sondaı-aq, búlingen 120 jol belgisiniń 96-sy qalpyna keltirilgen, dep habarlaıdy Almaty-akshamy.kz
Kóshe-jol jelisi boıynsha qalpyna keltirý jumystaryn 4 jol brıgadasy bastap, júrgizýde. Keshe 90 sh.m tósem, 120 metr jıek jáne 37 jol lúgi qalpyna keltirildi. Tas tósemdi qalpyna keltirýdi 13 qańtarǵa deıin aıaqtaý josparlanýda. Eki brıgada mashınalar men ot jaǵatyn jerlerde jol jabynyn tazartýǵa kiristi.
Sonymen qatar, aıaldama pavılondary da búlingen. Barlyǵy 43 pavılon zaqymdaldy, onyń 17-siniń áınekteri túgel synǵan. Jeke kompanıalar da qalpyna keltirýge kiristi, búginde 2 pavılon jóndeldi. Jumystar jalǵasýda.
Sonymen qatar, aldyn ala esepteýler boıynsha 100-ge jýyq velosıped joǵalǵan, 220-sy jóndeýdi qajet etedi, 20 stansıa búlingen. Jóndeý-qalpyna keltirý jumystary bastaldy, sondaı-aq zalaldy baǵalaý boıynsha jumystar júrgizilýde.
Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtab