Kólik apatynan bes adam jaraqattanyp, ekeýi kóz jumdy
Jol apaty Jandosov pen Shaımerdenov kósheleriniń qıylysynda bolǵan, dep habarlaıdy Almaty-akshamy.kz.
Mitsubishi Carisma kóligi dúken aldynda turǵan, onyń ishinde úsh adam bolǵan. Sol ýaqytta Jandosov kóshesimen joǵary jyldamdyqta kele jatqan Subaru Legacy kóligi Shaımerdenov kóshesiniń qıylysynda rólge ıe bola almaı, qarsy jolaqqa shyǵyp, dúken aldynda turǵan Mitsubishi kóligine soǵyldy. Qatty soqqydan eki kólik te ondaǵan metrge ushyp ketken. Sol ýaqytta Subaru sham baǵanasyn qulatyp, taǵy bireýine soǵylady. Apat saldarynan Mitsubishi kóligindegi 1985 jylǵy júrgizýshi men 1987 jylǵy jolaýshy sol jerde kóz jumdy. Bes adam – Subaru kóliginiń júrgizýshisi men úsh jolaýshysy, Mitsubishi-de bolǵan taǵy bir jolaýshy jaraqat aldy. Olardyń barlyǵy aýrýhanaǵa jetkizildi.
Oqıǵa ornynda polısıa apattyń sebebin anyqtaý úshin jumys istep jatyr. Subaru kóliginen vıskı alkogóldik ishimdigi tabyldy.