Almatyda jigit ekinshi kezdesýde 19 jastaǵy qyzdy óltirip, denesin laqtyryp ketken, - dep habarlaıdy Aqshamnews.kz tilshisi.
Almatyda 22 jastaǵy jigit ekinshi kezdesýde 19 jastaǵy boıjetkendi pyshaqtap óltirgeni úshin sottaldy. Qylmys úshin Almaty qalasynyń qylmystyq ister jónindegi mamandandyrylǵan aýdanaralyq soty Qaırat Anarovqa 12 jyl bas bostandyǵynan aıyrý jazasyn taǵaıyndady.
Qaıǵyly tanystyq qalaı bastaldy?
Oqıǵa ótken jazda bolǵan. Taraz qalasynyń týmasy Qaırat Anarov Almatyǵa kelip, “Daıvınchık” jelisi arqyly Túrkistannan kelgen 19 jastaǵy Arýnamen tanysqan. Qyz Narhoz ýnıversıtetiniń 2-kýrs stýdenti bolǵan. Alǵashqy kezdesýde ekeýi kólikpen qalany aralaǵan, sodan soń taǵy da kezdesýge kelisken.
Ekinshi kezdesýde de olar kólikte otyrǵan kezde sózge kelispeı qalǵan. Tergeý dereginshe, qyz telefonyna jıi habarlasyp, bireýmen jazysqan. Osyǵan ashýlanǵan Qaıratqa Arýnanyń sózderi aýyr tıgen. Ol ózin eskortpen aınalysatynyn aıtqannan keıin, er adam qyzdyń ata-anasyn balaǵattady degenge ashýlanyp, kóligindegi pyshaqty alyp, qyzǵa birneshe ret suqqan.
Qyrshynnan qıylǵan taǵdyr
Sot materıalynda kórsetilgendeı, pyshaq qyzdyń keýde qýysyna deıin suǵylǵan. Jábirlenýshi oqıǵa ornynda qan joǵaltýdan kóz jumǵan.
Qylmystan soń Qaırat marqumnyń denesin kóliktiń júk salǵyshyna salyp, Almatynyń shetinde ornalasqan "Montajnık" baǵbandyq birlestigi mańyna aparyp tastaǵan. Al pyshaqty jol boıynda terezeden laqtyryp jibergen. Keıinirek qarý Royal Tulip qonaqúıi janynan tárkilengen.
Qylmystan keıin Qaırat qyzdyń iPhone 11 telefonyn 45 000 teńgege lombardqa ótkizip, kólikti jalǵa bergen dúkenge qaıtaryp, keıin Qurban aıt merekesine anasymen birge Astanaǵa ketken.
Sot sheshimi
İsti qaraǵan sýdıa Baqythan Bákirbaev Qaırat Anarovty 12 jylǵa qatań rejımdegi kolonıaǵa jiberý týraly úkim shyǵardy.