Aldaǵy ýaqytta qalada jetkizý qyzmetin adamdar emes, ushqyshsyz ushý qurylǵylary (drondar) júzege asyrýy yqtımal. Mundaı jańashyl ıdeıany kásipker Sana bıznes forýmynda bólisti.
Almatyda ótip jatqan forýmda túrli salada tabysqa jetken kásipkerler óz tájirıbeleri men jańa ıdeıalaryn ortaǵa saldy. Solardyń qatarynda otandyq logıstıka jáne strategıalyq menedjment salasynyń kóshbasshylarynyń biri Bolatbek Dálelhanuly boldy. Ol Golden Bridge Partners jáne Jana Post kompanıalarynyń negizin qalaýshy retinde tanymal.
B. Dálelhanuly forým barysynda shaǵyn kásipten iri tabysty kompanıa qurý jolyndaǵy tájirıbesimen bólisip, bolashaqqa baǵyttalǵan jańa ıdeıalaryn tanystyrdy. Onyń aıtýynsha, seriktesimen birge jetkizý qyzmetin júzege asyratyn drondarǵa ınvestısıa salýda.
Kásipkerdiń bul ıdeıasy júzege asatyn bolsa, Almaty qalasynda jetkizý qyzmetin kýrerler emes, arnaıy jasalǵan drondar atqarady. Otandyq kásipkerlerdiń mundaı jańashyl ıdeıalary Sana bıznes forýmynda talqylanýda.