Komanda qazaq sport jáne týrızm akademıasynyń bazasynda jasaqtaldy.
«KAZAST» dep atalatyn ujymnyń alǵa qoıǵan maqsaty bar. Endi fýtbolshylardyń dop tebe júrip, sport salasynda sapaly bilim alýǵa múmkindigi bar. Orta mektepti bitirgen balalar akademıada irikteýden ótip, birinshi kýrsqa qabyldanady, dep habarlaıdy Almaty-akshamy.kz 24.kz-ke silteme jasap.
Keıin fýtbol nemese fýtzal bólimin tańdap, el chempıonatyna qatysady. Jańa komanda sapyna jastardan bólek, tájirıbeli oıynshylar da alyndy. Atalǵan klýb Qazaqstannyń ekinshi lıgasynda oınaıdy. Olar alǵashqy týrda «Turan» jastar komandasymen jolyǵyp, 2:1 esebimen basym tústi.
«Osy KAZAST klýbymyz Qazaqstan chempıonatynda ekinshi lıgaǵa qatysyp, óz baǵymyzdy synap jatqan jaıymyz bar. Bul árıne osy oqý prosesin, stýdentterimizdiń teorıalyq bilimin odan ary tájirıbede shyńdaý maqsatynda», - deıdi Qazaq sport jáne týrızm akademıasynyń prorektory Muhtar Esqalıev.