Kúdikti ýaqytsha ustaý ızolátoryna qamaldy. Qazirgi ýaqytta tergeý júrip jatyr.
Qaraǵandy polısıasy Almatyda jasyrynyp júrgen alaıaqty ustady, dep habarlaıdy Almaty-akshamy.kz Polisia.kz saıtyna silteme jasap.
10 mamyrda 58 jastaǵy qala turǵyny Qaraǵandy qalasynyń PB Ortalyq polısıa bólimine habarlasyp, alaıaqtyń arbaýyna túskenin jetkizdi.
Jábirlenýshi belgili bir adamǵa taýardy satyp alý úshin 105 myń teńge aýdarǵan. Aqshany alǵan adam habarsyz ketken.
Atalǵan fakti boıynsha QR QK 190-baby (Alaıaqtyq) boıynsha qylmystyq is qozǵaldy. Polısıa alaıaqtyń kim ekenin anyqtady, ol 24 jastaǵy Qaraǵandy qalasynyń turǵyny bolyp shyqty. Kúdikti polısıadan jasyrynyp, osy ýaqytqa deıin boı tasalap júrgen. 11 tamyzda jedel izdestirý sharalary barysynda krımınaldyq polısıa qyzmetkerleri qashqyndy Almaty qalasynan ustady.