Jasyl ekonomıka basqarmasynyń merdiger uıymdary qalanyń barlyq aýdandaryndaǵy aǵashtardy zıankesterden saqtaý úshin bıologıalyq óńdeý jumystarynyń birinshi kezeńin bastaıdy.
Tıimdilikti arttyrý úshin jumystar túngi ýaqytta saǵ. 23:00 men 06:00 aralyǵynda júrgiziledi, dep habarlaıdy Almaty-akshamy.kz.
Atalǵan ýaqyt mundaı jumystar úshin qolaıly bolyp sanalady, sebebi kún sáýlesi dárilik zattyń zıankesterge áserin tómendetedi.
Óńdeýge QR aýmaǵynda qoldanýǵa ruqsat etilgen qaýiptiliktiń tómengi sanatyndaǵy bıologıalyq preparat qoldanylady. Ózindik ıisi bar, alaıda qorshaǵan ortaǵa, adamdarǵa, úı janýarlary men ózge de tiri aǵzalarǵa esh zıany joq.
Birinshi kezeń jumystary qala boıynsha bir aı boıy júrgiziledi. Kelesi úsh kezeń maýsym, shilde, tamyz aılarynda ótkiziledi. Aýlalar, saıabaqtar men kóshe boıyndaǵy barlyq jasyl jelekti óńdeý josparlanǵan. Osy oraıda qala turǵyndary men qonaqtaryn túsinistik tanytyp, mamandardyń jumysyna kedergi keltirmeýlerin suraımyz.