Bul týraly OKQ brıfıńinde Almaty qalasynyń ákimi Erbolat Dosaev málimdedi.
«Osy jyldyń qańtar aıynda Almaty qalasy jasyl jelekterdi kútip ustaý jáne qorǵaý boıynsha jańa erejeler qabyldady. 2023 jyldan bastap sýarý júıesi júrgizilgennen keıin ǵana keminde 2-2, 5 metr kóshet otyrǵyzýdy kózdeıtin jańa tásil qoldanylady», - dep atap ótti qala basshysy.
Osy Erejelerdiń jáne 34 skvajınalar men sý qabyldaǵyshtardy salý arqasynda jasyl jelekterdi avtosýarýmen qamtý 2022 jyly 132 gektardan 4,4 esege, ıaǵnı 587 gektarǵa deıin ulǵaıdy. Qalany kógaldandyrý úshin jyl basynan beri 291 myń aǵash pen buta otyrǵyzyldy. Sanıtarlyq maqsatta 2,3 mln aǵash óńdeldi.
Nátıjesinde, 2023 jyly İle-Alataý ulttyq parkiniń jasyl jelekterin esepke almaǵanda, jasyl jelekterdiń alańy 11,3-ten 12,3 sharshy metrge deıin ulǵaıdy.