Almaty qalasynyń ákimdigi turǵyndarǵa tegin kóshet taratady.
Kóp qabatty úıler aýlasy men qoǵamdyq keńistikterdi kógaldandyrýǵa nıetti árbir almatylyq shaǵan, úıeńki, shegirshin, terek, qaraǵan men qaıyńnyń kóshetterin tegin ala alady, dep habarlaıdy Almaty-akshamy.kz
Almaty qalalyq ákimdiginiń baspasóz qyzmetiniń aqparatyna sáıkes, naýqan qatysýshylary otyrǵyzylǵan aǵashtardy aldaǵy úsh jyl boıy kútip-baptaý týraly kepildi mindettemege qol qoıatyndyǵyn eskergen jón. Qatysý úshin zeleniy_dvor_almaty@mail.ru elektrondy poshtasyna kelesi málimetterdi joldaý qajet:
- Qatysýshynyń aty-jóni men telefon nómiri, aǵash otyrǵyzylatyn orynnyń naqty mekenjaıy;
- Aǵash otyrǵyzylatyn orynnyń fotosy (mamandarǵa oryndy tolyqtaı baǵalaýǵa múmkindik bolýy úshin panoramalyq formatta bolǵany jón);
3.Suralyp otyrǵan kóshet túri men sany.
Ótinishter 9-18 naýryz aralyǵynda qabyldanady. Kóshetterdi Bostandyq aýdany, Tájibaev kósh., 155a ( «STAMP SERVICE» JSHS bazasy) mekenjaıynan alyp ketýge bolady.
Kelip túsken ótinishter 19-27 naýryz aralyǵynda qarastyrylyp, aǵash otyrǵyzý jumystaryn 28 naýryz ben 12 sáýir aralyǵynda júrgizý josparlanǵan. Sońynan joǵaryda kórsetilgen elektrondy mekenjaıǵa fotoesep joldaý qajet. Kórsetilgen ýaqyttan keıin joldanǵan ótinishter qarastyrylmaıdy. Qosymsha aqparat alý úshin Jasyl qordy baqylaý bólimine kelesi nómirler boıynsha habarlasýǵa bolady: 272-54-89, 87479958147.