Naýqanǵa qatysýshylar otyrǵyzylǵan aǵashtardy aldaǵy eki jyl boıy kútip-baptaý týraly kepildi mindettemege qol qoıady
Naýqanǵa qatysý týraly ótinish bergen turǵyndarǵa 2400 japyraqty kóshet beriledi, dep habarlaıdy Almaty-akshamy.kz.
Bıylǵy naýqanda jeke jáne zańdy tulǵalardan 191 ótinish kelip tústi. Bul kórsetkish byltyrǵy jylmen salystyrǵanda 50%-ǵa joǵary.
Eske sala ketsek, Jasyl ekonomıka basqarmasy jyl saıyn kóktemde jáne kúzde "Jasyl aýla" naýqanyn ótkizedi.
Basty maqsat – aýlalar men jalpy qoldanystaǵy aýmaqtardy kógaldandyrý, ekologıalyq mádenıetti qalyptastyrý. Kópqabatty úıler aýlasy men qoǵamdyq keńistikterdi kógaldandyrýǵa nıetti árbir almatylyqqa shaǵan, úıeńki, shegirshin, terek, qaraǵan men qaıyńnyń kóshetteri tegin beriledi.
Naýqanǵa qatysýshylar otyrǵyzylǵan aǵashtardy aldaǵy eki jyl boıy kútip-baptaý týraly kepildi mindettemege qol qoıady. Aǵashtardy jaqyn kúnderi otyrǵyzyp, basqarmaǵa foto esep joldaý qajet.
