Grant somasy 1 mln teńgeni quraıdy, Almatyǵa 20 grant bólindi. Ótinimderdi qabyldaý 10 qazanda bastalyp, 22 qazanǵa deıin jalǵasady.
Bul týraly Óńirlik komýnıkasıalar qyzmetiniń alańynda konkýrsty uıymdastyrýshylar men Almaty qalasy Jastar saıasaty basqarmasynyń ókili málimdedi, dep habarlaıdy Almaty-akshamy.kz.
Uıymdastyrýshylar jobanyń QR Mádenıet jáne aqparat mınıstrliginiń qoldaýymen Azamattyq bastamalardy qoldaý ortalyǵymen birlesip júzege asyrylyp jatqanyn eske saldy.
«Bul joba – bizdiń jastarymyz úshin ózin kórsetip qana qoımaı, óz bolashaǵyna, mansabyna, múmkin óz isin bastaýǵa jaǵdaı jasaýǵa tamasha múmkindik bolar. Joba jeke jáne kásibı maqsattarǵa qol jetkizýge ǵana emes, sonymen qatar urpaqtar arasyndaǵy sabaqtastyqty qalyptastyrýǵa, jastardy qoǵamǵa tabysty kiriktirýge múmkindik beredi», - dedi Almaty qalasy Jastar saıasaty basqarmasynyń jastardy áleýmettendirý jáne jastar bastamalaryn qoldaý bóliminiń basshysy Nursultan Bekqaıyrov.
Jobanyń maqsaty-jastardy qoldaý jáne damytý, olardyń kásibı jáne kóshbasshylyq daǵdylaryn arttyrý úshin múmkindikter jasaý, sondaı-aq jergilikti qoǵamdastyqtyń áleýmettik máselelerin sheshýge baǵyttalǵan óz jobasyn iske asyrý múmkindigi.
Uıymdastyrýshylar jobaǵa bilimmen de, jumyspen de, kásiptik daıarlyqpen de qamtylmaǵan jastar qatarynan múmkindiginshe kóp jastardy tartýǵa nıetti.
«Biz úshin NEET sanatyndaǵy jastardy, ásirese bul múmkindikter árqashan qoljetimdi bola bermeıtin aýyldyq jastardy tartý mańyzdy. Aıta ketý kerek, Zhasproject osal jastarmen jumys isteýge baǵyttalǵan sanaýly adamdardyń biri. Almatyda NEET sanatyndaǵy jastar sany 2022 jyldyń qorytyndysy boıynsha Ulttyq statısıka búrosynyń derekteri boıynsha 6% -. quraǵanyn bilemiz», - dep atap ótti «Jas Project» jobasynyń úılestirýshisi, «Túpqaraǵan jastary» qoǵamdyq qorynyń ókili Asıma Sultanova.
Granttyq konkýrsqa qatysýǵa Almatyda ýaqytsha nemese turaqty tirkeýi bar 18 jastan 35 jasqa deıingi (qosa alǵanda) jastar qatysa alady.
Óz ıdeıalaryn júzege asyrý úshin Jastar 1 000 000 teńgege deıin ala alady jáne tálimgerlerdiń qoldaýy kórsetiledi. Jastar jobalaryn iske asyrýǵa 2 aı ýaqyt beriledi.
«Ótinish berý úshin birinshi qadam - ózińizdiń áleýmettik jobańyzdyń ıdeıasyn naqtylaý, www.zhasproject.com saıtyna kirý, saýalnamany toltyryp, barlyq sharttar men mártebege sáıkestigin rastaıtyn qujattardy tirkeý, óz jobasyn nysan boıynsha sıpattaý, búdjet jasaý jáne shaǵyn granttar konkýrsyna qatysýǵa ótinim berý», - dep túsindirdi A.Sultanova.
İrikteý 2 kezeńde ótedi:
- 1 kezeń - tehnıkalyq irikteý, onda ótinimder barlyq belgilengen talaptarǵa sáıkestigin tekseredi
- 2 kezeń-randomızasıa (kezdeısoq kompúterlik irikteý ádisi). Barlyq jeńimpazdarmen resmı shart jasalady. Jobadan keıin barlyq satyp alynǵan jabdyqtar jastarda qalady, osylaısha olar óz jobalaryn odan ári jalǵastyryp, damyta alady.
Jobanyń iske asyrylý barysy týraly barlyq aqparat www.zhasproject.com saıtynda, sondaı-aq áleýmettik jelilerde jarıalanatyn bolady @zhasproject_almaty_mangystau.
Búkil joba barysynda ony iske asyrýdyń barlyq kezeńderine turaqty negizde monıtorıń jáne baǵalaý júrgiziletin bolady.
Uıymnyń jobalyq keńsesi Almaty qalasynda kelesi mekenjaı boıynsha ornalasqan - Nurkent sh\a 69, 4 páter (kirý syrt jaǵynan). Onda mamandar konsýltasıalar ótkizedi, jobany iske asyrý boıynsha suraqtarǵa jaýap beredi, sondaı-aq konkýrstyq ótinimdi qalyptastyrýǵa jáne berýge kómektesedi. Barlyq suraqtar +7 700 271 21 73 nómiri boıynsha baılanys ortalyǵyna qońyraý shalýǵa bolady.