Megapolıste jańa komúnıtı ortalyqtary ashylady. Bul týraly Óńirlik komýnıkasıalar qyzmetiniń brıfıńinde Almaty qalasy Jastar saıasaty basqarmasy basshysynyń mindetin atqarýshy Azız Kajdenbek málimdedi, dep habarlaıdy aqshamnews.kz
Ol jastarmen jumys isteýge baǵyttalǵan ınfraqurylymdy qurý týraly aıtyp ótti.
Almaty qalasynyń jastar saıasaty basqarmasy 2024 jyly Memlekettik áleýmettik tapsyrys sheńberinde 46 jastar jobasyn iske asyrýda.
“NEET sanatyndaǵy jastaryn qoldaý úshin aýyl jastarynyń qatysýymen fýtbol jáne voleıboldan “DÚISENBILIK SPORT-2024” jobasy iske asyryldy”, — dedi Azız Kajdenbek.
2024 jyly joba aıasynda qalanyń 40 bazarynan myń jas qamtyldy.
Sondaı-aq, “ALMA CUP” jobasy aıasynda Almaty qalasynyń jastary arasynda sporttyq oıyndar (fýtbol, basketbol, voleıbol, kıbersport) ótkizildi. Olarǵa 6 myń adam qatysty.
Almaty qalasy jastarynyń oqý belsendiligin arttyrý úshin “BookVibe” jobasy iske asyrylýda. Býkkrossıngter, kitap kórmeleri, tanymal kitaptardyń avtorlarymen mıtaptar uıymdastyryldy. Bul sharalarmen myń jas qamtyldy.
Oqý oryndary men áleýmettik jelilerde jastar arasynda ınternetke táýeldilik pen qumar oıyndardyń aldyn alý boıynsha aqparattyq jumys júrgizildi. Zańsyz saıttar men onlaın-portaldar anyqtaldy, olardy polısıa departamentimen birlesip buǵattaý jumystary júrgizilýde. Onda 1,5 myń adam qamtyldy.
Jas urpaqtyń synı oılaý daǵdylaryn damytý úshin “Jas sarapshylar men pikirsaıysshylar klýby” jobasy iske asyrylýda.
“IQ-ALA jastary” zıatkerlik jobasy aıasynda 2024 jylǵy 3 mamyrda Ál-Farabı atyndaǵy Qazaq ulttyq ýnıversıtetinde “Leader Cup” stýdenttik lıga - týrnıri uıymdastyryldy. Týrnırge 20 JOO men 15 kolej stýdentteri qatysyp, ár oqý ornynan 4 qatysýshyny usyndy. Jobaǵa myń adam qatysty.
Shyǵarmashyl jáne talantty jastardy qoldaý úshin jyl saıynǵy “Jas Gala-2024” festıvali ótkizildi. Jobanyń júlde qory 7,5 mln teńgeni qurady. Bıyl qatysýǵa ótinimder sany eki esege artyp, 3 myń adamdy qamtydy. Baıqaý 5 baǵyt boıynsha ótkizildi. “Jas Gala” shyǵarmashylyq baıqaýynyń fınaly jáne saltanatty marapattaý rásimi “Alataý” dástúrli óner teatrynda 700 kórermenniń qatysýymen ótti.
Sonymen qatar, joba aıasynda qyrkúıek aıynan bastap Halyqaralyq stýdentter kúnine arnalǵan Almaty qalasynyń joǵary oqý oryndarynyń stýdentterine arnalǵan “Úzdik stýdenttik top” konkýrsy uıymdastyrylady.
Sondaı-aq, “Jaıdarman” mereıtoılyq 25-maýsymy bastaldy. 16 komanda qatysqan ¼ fınaldyq oıyndar serıasy ótti. Qamtý - 1,2 myń adam.
“2024 jyldyń birinshi jartyjyldyǵynda 900-den astam is-shara ótkizildi. Jyl sońyna deıin 1000-nan astam is-shara ótkizý josparlanýda”, - dedi A. Kajdenbek.
Almatyda jalpy sany 50 myńnan asatyn qalanyń 30 iri uıymymen ózara is-qımyl jasaıtyn qalalyq volonterler front-ofısi jumys isteıdi.
“2024 jyldyń qańtar aıynan bastap almatylyq volonterler 7 negizgi baǵyt boıynsha 250-den astam is-sharalar men aksıalar ótkizdi. Keıbireýler ata-anasynyń qamqorlyǵynsyz qalǵan balalardy oqytýmen aınalysady, al basqalary jalǵyzbasty zeınetkerlerge arnalǵan pansıonattarda shyǵarmashylyq keshter uıymdastyrady. Kóptegen volonterler janýarlarǵa kómektesip, qorshaǵan ortaǵa qamqorlyq jasaıdy”, - dedi ol.
“Taza Qazaqstan” bastamasy men “Almaty - bizdiń ortaq úıimiz” jobasy aıasynda eriktiler qalany tazartý jáne jastardy eko-tárbıeleý boıynsha ekologıalyq aksıalarǵa belsendi qatysyp, Almatyny barlyq turǵyndar úshin taza ári jaıly etedi.
Qalada qatysýshylar úshin motıvasıa jáne áleýmettik lıft retinde qyzmet etetin volonterlerdiń ósýiniń geımıfıkasıalanǵan júıesi engizilgen.
Almaly aýdanynyń komúnıtı ortalyǵynda el óńirlerinde sý tasqynynan zardap shekkenderge gýmanıtarlyq kómek jınaldy.
“592 tonnadan astam gýmanıtarlyq kómek jınaldy. 300 tonna - azyq-túlik, 177 tonna - gıgıenalyq quraldar, 80 tonna - kıim, qalǵan 35 tonna-turmystyq zattar. Bul jumystarǵa 150-den astam eriktiler jumyldyryldy”, - dep naqtylady A. Kajdenbek.