Halyqaralyq Jastar kúnin merekeleý aıasynda Almaty qalasy Jastar saıasaty basqarmasy Almaty qalasy Týrızm basqarmasymen birlesip birqatar arnaıy aksıalar josparlap otyr.
12 tamyz kúni saǵat 10:00-den 00:00-ge deıin jastarǵa arnalǵan «Kók-Tóbe» saıabaǵynda eki baǵytqa aspaly jolǵa 20% jeńildik bolady.
14 tamyzda saǵat 09:00-den 12:00-ge deıin «Shymbulaq» taý-shańǵy kýrortynyń aspaly jolynda jastar úshin tegin kóterilý jáne túsý uıymdastyrylady. Sonymen qatar, 12 tamyzda barlyq nıet bildirýshiler Almatynyń tanymal Park Hotel Almaty jáne Shera Inn Hotel qonaq úılerinde turýǵa 15% jeńildikti paıdalana alady.
Sondaı-aq, Ál-Farabı dańǵyly, 176a mekenjaıy boıynsha «Hide Park» aýmaǵynda Jas Fest-2023 qalalyq jastar festıvali ótedi.
Al qalanyń 8 aýdanynda kelesi mekenjaılar boıynsha barlyǵy kıno kóre alady:
1. Áýezov aýdany: 12 shaǵyn aýdany, 20 A
2. Naýryzbaı aýdany: Shuǵyla, 347
3. Medeý aýdany: Omarov, 35
4. Bostandyq aýdany: ál-Farabı, 176
5. Jetisý aýdany: Aınabulaq, 2 65 B
6. Alataý aýdany: Nurkent 5 shaǵyn aýdany, k16-19
7. Túrksib aýdany: Altaı-1 shaǵyn aýdany, 11 B
8. Almaly aýdany: Baıtursynov, 22k1
Esterińizge sala keteıik, Qazaqstan Respýblıkasynyń «Memlekettik jastar saıasaty týraly» Zańyna sáıkes 14 pen 35 jas aralyǵyndaǵy qazaqstandyqtar jastar dep tanylady.