Jastar arasyndaǵy jumyssyzdyq pen ekstremızm máselesi Almatyda ótken halyqaralyq forýmda talqylandy, dep habarlaıdy aqshamnews.kz 24.kz-ke silteme jasap.
Qazaqstandaǵy BUU Damý baǵdarlamasy uıymdastyrǵan is-sharaǵa Qazaqstan, Ózbekstan, Qyrǵyzstan, Túrikmenstan men Tájikstannyń jastar uıymdary ókilderi men sala mamandary qatysty. Jastardy teris dinı aǵymnan saqtaý úshin sanaly tárbıe men sapaly bilim berý mańyzdy.
«Ol úshin saýattandyrý isin belsendi júrgizip, jastar ortalyqtaryn damytý kerek», – deıdi mamandar.
Bul baǵytta Qazaqstannyń tájirıbesi bar. Mysaly, «Mansap kompasy» atty jańa platforma arqyly qoldanýshylar mamandyq boıynsha jumys tańdaı alady.
Aınur Baımyrza, BUU DB Qazaqstandaǵy Memlekettik basqarý departamentiniń dırektory:
- Talapty jastarǵa óz boıyndaǵy qarym-qabiletti damytýǵa múmkindik kóp. Startap jobalardy iske asyrýǵa, kásipkerlikpen aınalysýǵa, kreatıvti ındýstrıaǵa den qoıýǵa bolady. Osy forýmda qoǵamdaǵy ózekti máselelerdi talqylap qana qoımaı, tájirıbe almasyp, usynystardy qarastyramyz.