Almatyda dúnıe júzindegi túrli kınofestıvalderde 50-ge jýyq júldemen marapattalǵan «Kúnbaǵys» («Podsolnýh») fılminiń tusaýkeseri ótti, dep habarlaıdy Almaty-akshamy.kz
Kınotýyndyny QR Mádenıet jáne sport mınıstrliginiń tapsyrysy boıynsha «Qazaqfılm» kınostýdıasy «Stalker Sınema» kompanıasymen birlesip túsirgen.
«Kúnbaǵys» — «orta jas» daǵdarysyna ushyraǵan otbasy týraly dramaǵa toly hıkaıa. İshki qaıshylyqtarymen áýre bolǵan ata-anasynyń qaraýsyz qalǵan jasóspirim balasy úıde de, mektepte de býllıngtiń barlyq sumdyqtaryn bastan keship, óz qıyndyǵymen betpe-bet qalǵan kereksiz adamǵa aınalady. Pana izdegen Ámir qumar oıyndarǵa táýeldilikke ákeletin kompúterlik oıyndar álemine enedi...
Mádenı is-shara barysynda sóz sóılegen fılmniń qoıýshy rejıseri Elá Gılman tusaýkeserge kelgen kórermenderge alǵysyn aıta otyryp, kartınanyń kınofestıvalderdegi jetistikterimen bólisip, kınotýyndynyń túsirý tobyna júldelerin tabystady.
Osylaısha rejıser Istanbul Film Awards jáne Cannes Film Awards kınofestıvalderinde marapattalǵan «Úzdik akter» juldesin fılmde basty rólderdiń birin somdaǵan akter Erkebulan Daıyrovqa tabystady. Sondaı-aq, basqa da júldelerdi fılmniń jas akteri Rashıd Mýsın, senarı avtory Rasýl Shybyntaı, operator Alekseı Kırúhın, qoıýshy sýretshi Oksana Azamatova, prodúserler Gúlsına Mýstafına men Aleksandr Gılman aldy.
Aıta ketsek, jalpy alǵanda osy kúnge deıin «Kúnbaǵys» dramasy 27 halyqaralyq kınofestıvalde túrli nomınasıalar boıynsha 47 syılyqty qanjyǵasyna baılady.
«Kúnbaǵys» fılmi keler jyly sáýir aıynda prokatqa shyǵady.
Qazirgi tańda «Kúnbaǵys» fılmi ıelengen marapattardyń tolyq tizimi tómendegideı:
«Úzdik tolyqmetrli fılm» syılyǵy - New York Cinema Independent Awards, Toronto International Woman Film Festival, Crown Wood International Film Festival (Úndistan), Rome Movie Awards, Milan Gold Awards, KIFF (Kotka International Film Festival, Finland), MosfılmFest (Máskeý, Reseı), SLATE International Film Festival (Gonkong, Qytaı)
«Úzdik rejıser» syılyǵy - Venice Film Awards, Crown Wood International Film Festival (Úndistan), Paris International Film Festival, Tokyo International Monthly Film Festival, Milan Gold Awards, Hollywood Gold Awards
«Úzdik áıel-rejıser» - Cannes World Film Festival, Istanbul Film Awards, New York Cinema Independent Awards, Crown Wood International Film Festival (Úndistan)
«Úzdik sheteldik fılm» syılyǵy - Cannes World Film Festival, Istanbul Film Awards
«Úzdik drama» syılyǵy - Red Movie Awards (Fransıa), Istanbul Film Awards, Prague Film Awards
«Orys tilindegi úzdik fılm» syılyǵy - Near Nazareth Film Festival (Izraıl)
«Úzdik akter» syılyǵy - Istanbul Film Awards (Erkebulan Daıyrov, Sloboda Mıchalovıch, Rashıd Mýsın), Milan Gold Awards (Sloboda Mıchalovıch), Hollywood Gold Awards (Sloboda Mıchalovıch)
«Úzdik jas akter» syılyǵy - Cannes World Film Festival (Rashıd Mýsın)
«Azıanyń úzdik akteri» - Cannes Film Awards (Erkebulan Daıyrov)
«Úzdik operator» syılyǵy - Istanbul Film Awards (Alekseı Kırúhın)
«Úzdik senarı» syılyǵy - Hollywood Gold Awards (Rasýl Shybyntaı)
«Úzdik qoıýshy-sýretshi» syılyǵy - Paris International Film Awards, London International Monthly Film Festival, Hollywood Gold Awards (Oksana Azamatova)
«Úzdik prodúser» syılyǵy – Beijing Film Festival (China), Hollywood Gold Awards (Gúlsına Mustafına, Aleksandr Gılman)
«Úzdik kompozıtor» syılyǵy - LA Independent Film Awards
«Sheberligi úshin» syılyǵy - WRPN Women’s International Film Festival
Qazylar alqasynyń arnaıy júldesi - White Nights Film Festival (Sankt-Peterbor)
«Erekshe atalym» syılyǵy - Paris Film Festival, LA Independent Film Awards