Almaty qalasynda jyl basynan beri jasóspirimder arasyndaǵy qylmys 21,7 %-ǵa tómendegen
Almatyda jasóspirimder arasynda jasalǵan 40 qylmys tirkeldi, dep habarlaıdy Almaty-akshamy.kz Polisia.kz-ke silteme jasap.
«Taldaý kórsetkendeı, 40 qylmystyń 38-in basqa qalalardan kelgen jasóspirimder jasaǵan. Atap aıtqanda, Almaty oblysy – 22, Jambyl oblysy – 9, Qostanaı oblysy – 3, Shyǵys Qazaqstan oblysy – 1, Túrkistan oblysy – 2, Nur-Sultan qalasynyń turǵyndary – 1. Kámeletke tolmaǵandar jasaǵan qylmystardyń eń kóp bóligi – múliktik quqyq buzýshylyqtar. Bul – urlyq, tonaý jáne bóten kólikterdi aıdap áketý», – dep habarlady Almaty qalalyq PD Jergilikti polısıa qyzmeti basqarmasynyń bastyǵy Manap Sattarov.
Kámeletke tolmaǵandar arasyndaǵy quqyq buzýshylyqtyń aldyn alý maqsatynda múddeli memlekettik organdar men jurtshylyqtyń qatysýymen jalpyqalalyq 12 jedel aldyn alý is-sharasy ótkizildi.
«Qabyldanǵan is-sharalardyń nátıjesinde İİO-ǵa túrli quqyq buzýshylyq jasaǵany úshin 9 596 adam jetkizildi, onyń ishinde 9 348-i ákimshilik quqyq buzýshylyq úshin. 470 jasóspirim, sondaı-aq 429 turmysy nashar otbasy anyqtalyp, esepke alyndy. Qıyn ómirlik jaǵdaıdaǵy balalardy qoldaý ortalyǵyna 463 bala ornalastyryldy. Kámeletke tolmaǵandardyń túngi ýaqytta zańdy ókilderinsiz oıyn-saýyq mekemelerinde jáne turǵyn úılerden tys jerde júrgeni úshin 5 005 ata-ana ákimshilik jaýapkershilikke tartyldy», – dep qorytyndylady Sattarov.