Búgin Almatyda otbasy qurǵan jas jubaılar azamattyq mindetin oryndaý úshin óz saılaý ýchaskesinde daýys berdi.
«Úılený bul – eki jannyń bir-birin unatýyn ǵana bildirmeıdi. Ol – bolashaqqa naqty qadam jasaý»,-degen edi tanymal klasık bir kezderi.
Almatydaǵy İzbasar otbasy osy sózdiń dáleli bola alady. Erli-zaıyptylar bul kúni neke qıyp qana qoımaı, biraýyzdan Májilis pen máslıhat depýtattarynyń kezekten tys saılaýyna barýǵa sheshim qabyldady, dep habarlaıdy Almaty-akshamy.kz.
Jas jubaılar ózderiniń bolashaǵy olardyń daýystaryna baılanysty ekenin túsinedi.
Daýys berýge qalyńdyq aq kóılek, kúıeý jigit klasıkalyq kostúm kıip keldi. Olar Bostandyq aýdanyndaǵy №270 saılaý ýchaskesinde daýys berdi. Jastarǵa baqyt tileımiz!