Almaty qalasynda Jandosov kóshesi- 57 mekenjaıyndaǵy aýlany abattandyrý jumystary aıaqtaldy. Bul joba qalalyq aýla aýmaǵyn kúrdeli jóndeý baǵdarlamasy aıasynda júzege asty.
Aýdan ákimi Abzal Egemberdıev baspasóz týry barysynda jobanyń maqsaty - barlyq jastaǵylar úshin jaıly, qaýipsiz jáne fýnksıonaldy orta qurý ekenin atap ótti. Abattandyrý kezinde aýlaǵa 622 m² asfált tóselip, 405 m² rezeńke jabyn ornatyldy, 6 kishi arhıtektýralyq nysan, 7 oryndyq pen qoqys jáshigi, qalqasy bar 4 kóshe trenajeri, sondaı-aq fýtbol men basketbol oınaýǵa arnalǵan kópfýnksıonaldy sport alańy ornatyldy. Balalardyń qaýipsizdigi úshin 40 metr qorshaý, 8 jaryq baǵanasy men táýlik boıy isteıtin 4 kamera da ornatyldy.
«Biz ár aýlanyń turǵyndardyń suqbattasatyn, kúsh-qýatyn tolyqtyryp, damıtyn orynǵa aınalǵanyn qalaımyz. Jandosov kóshesindegi bul joba – turǵyndarmen birlese otyryp, qalalyq ortany qalaı qalyptastyryp jatqanymyzǵa dálel bola alady», - dep atap ótti Abzal Egemberdıev.
Ákimniń aıtýynsha, Almatydaǵy aýlalary eń tyǵyz ornalasqan osy Áýezov aýdany eken. Mundaǵy aýlanyń tyǵyzdyǵy - 966 aýla.
«Ótken jyly 65 aýlany jańarttyq, onyń 23-i kúrdeli jóndeý aıasynda, 42-si «Halyq qatysatyn búdjet» jobasymen júzege asyryldy. Sondaı-aq 115 aýlaǵa ádetki jóndeý jumysy júrgizildi, olardyń 159-y osyndaı jumysqa eń muqtaj aýla bolatyn. Orta eseppen jyl saıyn biz 100 aýlaǵa deıin jóndep shyǵamyz», - dep atap ótti ol.
Abattandyrý jumysynyń erekshe nazar aýdaratyn jaǵy - aýmaqqa bólingeni. Olar - kishkentaı balalarǵa arnalǵan oıyn alańy, jasóspirimderdiń aýmaǵy, vorkaýt alańdary, qalqa astyndaǵy trenajerler, ýaqytpen shektelgen ámbebap sport alańdary bolyp bólingen. Barlyq jumys Almatynyń Bas josparyn eskerip baryp qolǵa alynǵan. Saıran shaǵyn aýdanynda da aýlalardy jańartyp jatyr. Kúzge deıin munda 14 aýla tolyq jańartylmaq.
Ákim qaýipsizdikke erekshe nazar aýdaratynyn atap ótti. Eski jabyndar men tozyǵy jetken qurylymdardy osy zamanǵy, jaraqattan qorǵaıtyn materıaldarmen almastyrylyp jatyr.