Almatyda 20 maýsym kúni bolǵan jańbyr men daýyl saldarynan 8 aǵash kólikter men ákimshilik ǵımarattyń ústinen qulady, dep habarlaıdy Almaty-akshamy.kz.
Áleýmettik jelide qala turǵyndary jańbyr, daýyldan keıingi qulaǵan aǵash, qıraǵan kólikterdiń foto, vıdeolaryn saldy.
«Almatyda jańbyr men daýyl ótti. Sol sebepten qalanyń ár jerinde aǵashtar qulady», «Osynyń barlyǵyna kim jaýap beredi», «Almatyda bir ret soqqan jelden biraz adam zardap shekti», dep jazdy jeli qoldanýshylar.
Almaty qalalyq tótenshe jaǵdaılar departamentiniń málimetinshe, 20 maýsym kúni 112 jelisine aǵashtyń qulaǵany týraly 8 habarlama túsken (7-i avtokólikke, 1-i ákimshilik ǵımaratqa).
Osyǵan oraı Almaty qalalyq TJD qala turǵyndaryna kólikterdi aǵashtardyń astynda qaldyrmaýǵa jáne jel kúsheıgen sátte ǵımarattan kóp shyqpaýǵa (múmkindik bolsa ǵımarat ishinde bolǵan durys) keńes berdi.