Onda álemge tanymal sýretshilerdiń týyndylary qoıylǵan.
Buryn dál osy kartınalardy kórý úshin ónerge qushtar jandar shetel asatyn. Qazir zamanaýı mýzeı jurtshylyqtyń suranysyna qaraı ártúrli taqyrypta kórme uıymdastyrady, - dep habarlaıdy Aqshamnews.kz.
Mýzeıdiń ortalyq alańy «Óner kóshesi» dep atalady. Tóbesi shynydan. Qabyrǵasynyń bıiktigi 18 metr. Brıtandyq Chapman Taylor búrosynyń sáýletshileri Sharyn shatqalyn kórip, odan shabyt alǵan. 10 000 sharshy metr aýmaqta otandyq jáne sheteldik sýretshilerdiń 700 týyndysy qoıylǵan. Jaqyn arada munda Parıj, Nú-Iork jáne Ortalyq Azıa ónertanýshylarynyń qatysýymen sheberlik sabaqtary jáne kezdesýler ótedi.
Adısa Kın, ALMATY MUSEUM OF ARTS qoǵammen baılanys jónindegi menedjeri:
- Álemdik jumystardy Qazaqstanǵa alyp kelip bizdiń ózimizdiń qarapaıym qazaqtardyń balalary sony 2 myń 500 teńgege kelip kóre alatyny. Iaeı Kýsama degen sýretshi bar. Iaeı Kýsama ol dúnıe júzilik jumystary eń qymbat sýretshi. Ol 96 jasta Japonıada turyp jatyr. Sonyń jumysyn kórý úshin buryn Parıjǵa baratyn edi adamdar. Londonǵa baratyn edi. Tokıoǵa, Nú-Iorkqa baratyn. Qazir qarapaıym qazaqtyń balasy mektepten shyǵyp 500 teńgege kelip kóre alady.
Demalys kúnderi mýzeıge kirý úshin almatylyqtar men qala meımandary saǵattap kezekte turady. Sala mamandarynyń aıtýynsha, bul ónerge degen mahabbat pen mádenı ómirdegi shynaıy betburysty bildiredi.