Almatydan Esikke deıin úlken syıymdylyqtaǵy avtobýstar qatynaı bastady.
Megapolısti aglomerasıamen kólik baılanysyn arttyrý maqsatynda Almatyda qala mańyndaǵy qoǵamdyq kólik baǵyttaryn ashý jalǵasýda, dep habarlaıdy aqshamnews.kz
15 qazannan bastap «Raıymbek» metro beketinen Esik qalasyna deıin úlken syıymdylyqtaǵy avtobýstar qatynaıdy, sońǵy aıaldamasy – Eńbekshiqazaq aýdanynyń Qyzyljar aýyly.
№252 baǵytynda 25 avtobýs qyzmet kórsetedi, olardyń júrý aralyǵy – 10 mınýt. Bul baǵytqa «ECOBUS SERVICE» JSHS qyzmet kórsetedi.
Buǵan deıin Almatyda 34 qala mańy baǵyty ashylyp, olarǵa 491 avtobýs bólingen bolatyn. Jyl sońyna deıin Almaty aglomerasıasyndaǵy 70-ke jýyq eldi mekendi qamtıtyn taǵy 19 baǵyt ashý josparlanyp otyr.
