«Ónerkásiptik ıpoteka» 2023 jyldan bastap engiziledi dep josparlanýda.
Jańa nesıelik ónim «Almaty qalasyn 2025 jylǵa deıin damytý baǵdarlamasyn jáne 2030 jylǵa deıingi orta merzimdi perspektıvalardy» baǵdarlamasyn júzege asyrý aıasynda iske qosylady, dep habarlaıdy Almaty-akshamy.kz Inbusiness.kz silteme jasap.
Jeńildetilgen ıpotekany shaǵyn ındýstrıalyq park salýǵa nıet bildirgen kompanıalar da, óndiris alańdaryn satyp alǵysy keletin kásipkerler paıdalana alady.
Jyljymaıtyn múlikti ındýstrıaldy parkterdi satyp alý kezinde kepildik retinde paıdalanýǵa bolady. Bul kásipkerlerdiń júktemesin aıtarlyqtaı azaıtady.
Qazirgi ýaqytta Almaty qalasynyń ındýstrıaldy aımaǵynda jáne toqtap turǵan, tıimsiz óndiristik bazalar aýmaǵynda shaǵyn ındýstrıalyq parkterdi damytý belsendi túrde júzege asyrylýda. Mundaı ýchaskeler barlyq qajetti tehnıkalyq sharttarmen jáne komýnıkasıalarmen qamtamasyz etilgen. Shaǵyn ındýstrıaldy parkterdiń artyqshylyqtarynyń qatarynda úı-jaılardy keıinnen satyp alýmen tómendetilgen mólsherleme boıynsha uzaq merzimdi jalǵa alý múmkindigi bar.