Erbolat Dosaev - Almaty ákimdigi metropolıtendi damytý úshin halyqaralyq qarjy ınstıtýttarymen kelissózder júrgizýde
Almatydaǵy OKQ brıfıńi barysynda qala ákimi Erbolat Dosaev jýrnalıserdiń metro jelilerin qarjylandyrý jáne salý úshin qytaılyq kompanıalardy tartý múmkindigi týraly suraqtaryna jaýap berdi.
«Qalanyń kólik qańqasyn qurý jáne sonyń arqasynda ekologıalyq jaǵdaıdy jaqsartý biz úshin asa mańyzdy basymdyq bolyp tabylady. Kólik qańqasynyń negizinde metro, LRT jáne BRT sıaqty joǵary jyldamdyqty qoǵamdyq kólikti damytý jatyr. Úkimetpen birlesip, Biz batys baǵytta - «Qalqaman» stansıasynan «Barlyq» bazaryna deıin 5,3 km jáne shyǵys baǵytta - «Jibek joly» stansıasynan Almaty Áýejaıyna deıin 14 km jańa metro jelilerin salý úshin memlekettik kepildikpen qarajat alý múmkindigin pysyqtaýdamyz», - dep habarlady Erbolat Dosaev.
Megapolıs ákimi búgingi tańda memlekettik kepildikter alý úshin quqyqtyq negiz daıyndalyp jatqanyn atap ótti. Máselen, jańa Búdjet kodeksinde qaryzdy qarjylandyrý jáne ony respýblıkalyq búdjet qarajaty esebinen óteý kózdelgen. Bul túzetýler Parlament Senatynda.
«Biz qazir túrli halyqaralyq qarjy ınstıtýttarymen eń tıimdi sharttardy alý úshin kelissózder júrgizip jatyrmyz, múmkin bul uıymdardyń konsorsıýmy bolar. Osydan keıin konkýrstyq sharttarda merdiger tańdalady. Zamanaýı tehnologıalar tezirek qurýǵa múmkindik beredi, sondyqtan biz normatıvtik merzimderdi saqtaı alatyn seriktesterdi tańdaımyz. Biz qurylysty eki jaqta qatar bastaýdy josparlap otyrmyz. Mysaly, «Saryarqa» jáne «Baýyrjan Momyshuly» metro stansıalarynyń qurylysy josparlanǵan 3,5 jyldan 7 jylǵa deıin 2 esege sozyldy. «Qalqaman» stansıasy boıynsha 1,9 km metro jelisiniń qurylysy 2020 jyldan bastap 4 jyl boıy júrgizilýde. Onyń aıaqtalý merzimi 2026 jyly bolady dep kútilýde», - dedi ol.