Jańa kamera jol erejesin buzǵandardy tirkeıdi
Almatyda jańa kameralar ornatyldy. Buǵan deıin atalmysh kameralar Shymkentte ornatylǵan bolatyn, dep habarlaıdy Almaty-akshamy.kz
«Bul - kólemi shaǵyn, optıkasy jaqsyraq, tunyqtyǵy joǵary jańa úlgidegi kamera. «Sergek» shyqqaly birneshe jyl boldy, sodan beri kameralar úzdiksiz damyp jatyr, biz de ónimderimizdi zamanǵa saı jańartyp otyramyz. Bul kameralardyń optıkalyq júıesi jaqsyraq, qamtý aımaǵy men sýret sapasy turǵysynan tehnıkalyq múmkindigi joǵary», – dedi kompanıa ókilderi.
«Sergekti» jasaýshylardyń aıtýynsha, burynǵy kameralar bekitilgen aralyqty baqylaıtyn obektıvpen jabdyqtalǵan. Al jańa kamera – varıofokaldi, ıaǵnı fokýs uzyndyǵyn qolmen nemese qashyqtan retteýge bolady. Varıofokaldi obektıv sholý aımaǵyn dálirek anyqtaýǵa múmkindik beredi, sonyń arqasynda ólshemdi sapaly jasaýǵa jáne memlekettik nómirdi anyǵyraq sýretke túsirýge bolady.
Jańa kamera da «dóńgelek» áriptesi sekildi jol erejesin buzǵandardy tirkeıdi.