Almaty qalasynda Jańa jylǵa daıyndyq qarqyndy júrip jatyr. Qalanyń túrli jerlerinde ornatylǵan shyrshalar turǵyndarǵa merekelik kóńil-kúı syılap, megapolıstiń kóshelerine erekshe jylýlyq berýde. Bul jyly bıiktigi ártúrli shyrshalar birneshe orynǵa qoıylyp, olardyń árqaısysy qala turǵyndary men qonaqtaryn qýantady, dep habarlaıdy aqshamnews.kz
KBTÝ aldyndaǵy shyrsha ornatý jumystary 22 metrlik bıik shyrshany turǵyzýmen sátti aıaqtaldy. Ol qazirdiń ózinde merekelik sánimen kóz tartady.
Abaı alańyndaǵy shyrsha
12 jeltoqsanda bastalǵan Abaı alańyndaǵy shyrsha ornatý jumystary 16 jeltoqsanda aıaqtaldy. Bıiktigi 19 metrdi quraıtyn bul shyrsha alańnyń kórkin keltirip, aınalasyna merekelik atmosfera syılaýda.
Respýblıka alańy
Respýblıka alańyndaǵy shyrsha ornatý jumystary 18 jeltoqsanda bastalyp, 22 jeltoqsanǵa deıin jalǵasady. Bul 19 metrlik shyrsha jańa jyl qarsańynda qala turǵyndaryn qýantpaq.
"Nurly-Taý" bıznes ortalyǵy
Bul jerde 9 jeltoqsanda bastalǵan 20 metrlik shyrshany ornatý jumystary 17 jeltoqsanda tolyq aıaqtalady dep kútilýde. Shyrsha ortalyqtyń kórkine kórik qosyp tur.
Tuńǵysh Prezıdent saıabaǵy
12 jeltoqsanda bastalǵan shyrsha ornatý jumystary 15 jeltoqsanda aıaqtaldy. Bıiktigi 20 metr bolatyn shyrsha saıabaqqa erekshe sán berip, kelýshilerdi qýantady.
Qazaq ulttyq opera jáne balet teatry (QazNTOB)
13 jeltoqsanda bastalǵan shyrsha ornatý 16 jeltoqsanda aıaqtalady. Bul 20 metrlik shyrsha teatrdyń tarıhı ǵımaratymen erekshe úılesim tapqan.
Arbattaǵy shyrsha
Qalanyń eń tanymal jaıaý júrginshiler kóshesi – Arbatta bıiktigi 10 metrlik shyrsha ornatyldy. Jumystar 13 jeltoqsanda bastalyp, 16 jeltoqsanda aıaqtalady.
"Almaty Arena" jáne "Halyq Arena"
"Almaty Arena" kesheninde shyrsha ornatý jumystary 14 jeltoqsanda bastaldy, 17 jeltoqsanda aıaqtalady. Al "Halyq Arenada" 14-18 jeltoqsan aralyǵynda 20 metrlik shyrsha ornatylady.
N.Sas atyndaǵy balalar men jasóspirimder teatry
10 jeltoqsanda bastalǵan 10 metrlik shyrsha ornatý jumystary 16 jeltoqsanda aıaqtalady. Teatr aldyndaǵy shyrsha balǵyndardyń merekelik kóńil-kúıine erekshe áser beredi.
Merekelik daıyndyq jalǵasýda
Almaty kóshelerinde ornatylǵan shyrshalar turǵyndardy qýanyshqa bóleýde. Ár shyrshanyń ózindik sáni men ereksheligi bar. Bul bastama jańa jyldyq kóńil-kúıdi arttyryp, Almaty qalasynyń turǵyndaryna umytylmas merekelik atmosfera syılaıdy.