Qysta egiletin bul qaraǵaı aǵashy birer jylda qalamyzdyń sáni bolmaq
Almatylyqtar Jańa jyldy saýapty ispen bastady. Búgin Alataý aýdanyndaǵy saıabaqqa Jasyl ekonomıka basqarmasy jáne Alataý aýdany ákimdiginiń qoldaýymen 40-qa jýyq qaraǵaı aǵashy otyrǵyzyldy, dep habarlaıdy Almaty-akshamy.kz Almaty.tv-ge silteme jasap.
Qysta egiletin bul qaraǵaı aǵashy birer jylda qalamyzdyń sáni bolmaq. Bul bastamaǵa qala turǵyndary men qoǵam belsendileri de qatysty.
«Búgin Alataý aýdanynda 38 qaraǵaı otyrǵyzdyq. Sharaǵa Jasyl ekonomıka basqarmasy men Alataý aýdany ákimdigi jáne ekobelsendiler qatysty», – deıdi «Tabıǵat» ekologıalyq odaǵy tóraǵasynyń orynbasary Tımýr Eleýsizov.
Kúnniń sýyǵyna qaramastan, mundaı ıgi bastamany qoldap kelgenderdiń qarasy qalyń boldy.
«Shamamen aǵash otyrǵyzýǵa 60 adam atsalysty. Bizdiń basty maqsatymyz – aýa sapasyn jaqsartyp, tabıǵatty qorǵaý. Bul dúnıeniń bári balalarymyzdyń bolashaǵy úshin jasalyp jatqan dúnıe», – deıdi «Tabıǵat» ekologıalyq odaǵy tóraǵasynyń orynbasary.
Sondaı-aq Tımýr Eleýsizov qazaqstandyqtardy Jańa jyl merekesimen quttyqtady.
«Men qazaqstandyqtardy kelip jetken Jańa jyl merekesimen quttyqtaımyn. Árbir adamǵa aıtarym, elińizdi súıińiz! Bir maqsatqa jetý úshin eshqashan keri sheginýge bolmaıdy. Árbir istiń qaıyry bolady. Bizdiń atqaryp jatqan jumysymyzdyń bári keler urpaqqa paıdasyn tıgizeri sózsiz», – dedi ol.
Aıta keteıik, bul is-shara osymen úshinshi ret dástúrli túrde ótkizilip keledi.