Jańa jyl qarsańynda Almaty polısıasy kúsheıtilgen qyzmet kórsetý rejımine aýystyryldy.
Almaty qalalyq departamentiniń baspasóz qyzmeti megapolıste Jańa jyl túni qalaı ótkenin baıandady, dep habarlaıdy aqshamnews.kz
"Patrúldik narádtardyń sany kóbeıtildi, qyzmet kórsetý marshrýttary kóbeıip, QR İİM Ulttyq ulanynyń 300 áskerı qyzmetshisi jaıaý patrúldeýge tartyldy. Azamattardyń jappaı jınalatyn oryndary men mádenı-kórkemdik sharalar ótkiziletin oryndar erekshe baqylaýǵa alyndy. Jalpy jańa jyl túni qaladaǵy qoǵamdyq tártipti qamtamasyz etýge úsh myńnan astam polıseı jumyldyryldy", – dep habarlady polısıa.
Qabyldanǵan sharalardyń nátıjesinde 31 jeltoqsannan 1 qańtarǵa qaraǵan túni Almatyda salystyrmaly túrde tynysh ótti.
"Ótken táýlikte megapolıste úsh múliktik qylmys jasaldy. Olar patrúldik polısıa qyzmetkerleri tarapynan "izin sýytpaı" ashyldy. Sondaı-aq qala joldarynda bes mas júrgizýshi ustalyp, kólik basqarýdan shettetildi", – dep málimdedi Almaty PD baspasóz qyzmeti.