Jol-kólik oqıǵasy men feıerverkten jaraqat alǵandar múldem túspegen
Jańa jyl túni barlyǵy toılap jatqanda dárigerler kezekshilikke shyǵyp, jumys istedi. Olarda meıram kúnderi demalys degen bolmaıdy, dep habarlaıdy Almaty-akshamy.kz Baq.kz-ke silteme jasap.
Almaty qalalyq jedel shuǵyl kómek kórsetý aýrýhanasyna jańa jyl túni 90 adam túsken, onyń 12-si aýrýhanaǵa jatqyzylǵan. Adamdar aýrýhanaǵa negizinen aýrýynyń asqynýymen júgingen, tek 18 adam jaraqat boıynsha habarlasqan. Jol-kólik oqıǵasy men feıerverkten jaraqat alǵandar múldem túspegen.
"Adamdar óz densaýlyǵyna nemquraıly qaramaıtyn boldy, buryn feıerverkten kúıip qalǵandar kóptep túsetin, qazir ondaı jaǵdaımen túsetinder múldem joq. Jańa jyl túni naýqastar da az keldi, ádette biz táýligine 160-190 –daı naýqasty qabyldaımyz, al 31 jeltoqsanda 90-ǵa jýyq adam keldi", - deıdi aýrýhananyń qabyldaý bóliminiń meńgerýshisi Baýyrjan Omarov.
Sonymen, kezekshiler jańa jyldy qarsy alýǵa úlgerdi, biraq pandemıaǵa baılanysty olardyń kópshiligi qorǵanys kıimimen kezekshilik etedi. Bólim meńgerýshisi jańa jyl túnin aýrýhanada eki ret qarsy alǵanyn aıtady. Osy jolǵy jańa jylda aýrýhananyń qabyldaý bóliminde kezekshilikke 30 medısına qyzmetkeri kezekshilikke shyqqan.