Almaty qalasynda jańa jastar teatry boı kótermek. Bul týraly qala ákimi Erbolat Dosaev málimdedi, dep habarlaıdy Aqshamnews.kz.
Jańa mádenı nysan Ortalyq stadıonnyń joǵarǵy jaǵynda ornalasatyn bolady. Buǵan deıin bul aýmaqta qaraýsyz qalǵan skver bar edi. Bostandyq aýdanynyń turǵyny ákimge osy másele boıynsha ótinish bildirip, skverdiń saqtalýyn jáne ony qurylysqa bermeýdi suraǵan.
Ákimniń aıtýynsha, bul jer qalanyń menshigine alynǵan jáne munda jastar teatrymen birge arnaıy qoǵamdyq skver de salynady. Sonymen qatar, jer silkinisi kezindegi jınalý orny retinde qarastyrylyp, barlyq qajetti ınfraqurylym eskeriledi.
"Jastar teatrynyń janynda arnaıy teatraldyq alań bolady, onda turǵyndar jınala alady. Biz adamdardyń qaýipsizdigin eskerip, evakýasıa joldary men jınalý oryndarynyń sanyn eseptedik. Joba tolyq daıyn, biz ony jaqynda halyqqa tanystyramyz", – dedi Erbolat Dosaev.
Almaty turǵyndary úshin jańa jastar teatry mádenı ómirdi jandandyratyn mańyzdy joba bolmaq. Sonymen qatar, qala basshylyǵy qoǵamdyq keńistikterdi saqtaý men damytýǵa erekshe kóńil bólip otyrǵanyn kórsetti.