Tozǵan ınjenerlik jelilerdi aýystyrý jáne modernızasıalaý jalǵasyp jatyr. Olardyń deni jarty ǵasyrdan astam ýaqyt buryn salynǵan, Bostandyq aýdanynda orta eseppen 60%-ǵa tozǵan. Bul týraly aýdan turǵyndarymen kezdesýde qala ákimi Erbolat Dosaev málimdedi.
Byltyr Erǵojın, Gandı, Ǵabdýllın, Mogılevskıı, Sátbaev kóshelerinde jáne «Orbıta-4» shaǵynaýdanyndaǵy 1,6 km jylý jelileri rekonstrýksıalandy.
Elektrmen jabdyqtaýdyń 4,8 km kabel jelisin tóseý aıaqtaldy. «Almagúl» podstansıasyna elektr qýatyn berý jumystary júrip jatyr. İske qosylýy maýsym aıyna josparlanǵan. Bul aýdandaǵy 200 myńǵa jýyq turǵyndy elektr qýatymen úzdiksiz qamtamasyz etedi.