Almatyda qańtar oqıǵasynan keıin shaǵyn jáne orta bıznestiń qyzmeti tolyǵymen qalpyna keltirildi. SHOB sýbektilerine 16 mlrd teńgeden astam qarajat tólendi. Bul týraly Óńirlik komýnıkasıalar qyzmetiniń brıfıńinde Almaty qalasy ákiminiń orynbasary Álisher Ábdiqadyrov aıtty.
«Damý» kásipkerlikti damytý qorymen birlesip, «Almaty Business» óńirlik baǵdarlamasy aıasynda «Jana Business» jańa qosalqy ónim quryldy. Ony iske asyrýǵa 5 mlrd. teńge qarastyrylǵan. Jeńildetilgen nesıeler boıynsha mólsherleme 7% -dan 6%-ǵa deıin tómendetildi. Nesıeniń eń joǵary somasy – 100 mln.teńge, nesıeleý merzimi - 7 jylǵa deıin», - dedi Álisher Ábdiqadyrov.
Saýda operasıalarynyń tıimdiligin arttyrý maqsatynda «Jana Business» baǵdarlamasymen jyldyq mólsherlemesi 8,5% boıynsha faktorıńtik mámilelerdi qarjylandyrý múmkindigi qarastyrylady.
Shaǵyn jáne orta bıznesti damytýdy yntalandyrý boıynsha qabyldanǵan sharalardyń arqasynda bıylǵy İ jartyjyldyǵynyń qorytyndysy boıynsha SHOB-tyń Almaty ekonomıkasyndaǵy úlesi 60,3%-ǵa deıin ósti.