«Bilgamesh» álmanahynyń negizgi mısıasy - mádenıetterdi jaqyndastyrý.
IýNESKO-nyń qoldaýymen Halyqaralyq mádenıetti jaqyndastyrý ortalyǵy «Bilgamesh» mádenıettaný jáne áleýmettik zertteýler álmanahynyń on nómiriniń shyǵýyna arnalǵan kesh uıymdastyrdy, dep habarlaıdy Almaty-akshamy.kz tilshisi.
İs-shara Mádenıetterdi jaqyndastyrýdyń halyqaralyq onjyldyǵy (2013-2022 jj.) jáne IýNESKO-nyń bilim qoǵamdaryn qurý jónindegi ıdeıalaryn praktıkalyq iske asyrý sheńberinde ótkizildi.
«Mádenıetterdi jaqyndastyrý ortalyǵynyń kitaphanasyn» qurý jáne «Bilgamesh» mádenı jáne áleýmettik zertteýlerdiń ǵylymı-tanymal álmanahyn shyǵarý ıdeıasy 2019 jyly paıda boldy. Álmanah betterinde tórt jyldan beri qazaqstandyq jáne sheteldik ǵalymdar mádenıetterdiń ózara is-qımyly men jaqyndasýy máselelerin qozǵaıtyn maqalalar, esseler men ǵylymı-tanymal jumystar jarıalap keledi.
Uıymdastyrýshylardyń pikirinshe «Bilgameshti» shyǵara otyryp, onyń betterinde kóptegen jyldar boıy baspasózde jáne ǵylymda aıtylyp kele jatqan ózekti máselelerdi kóterýdi basty nazarǵa alǵan. Sondaı-aq, ǵalymdardy dıalogqa shaqyrý maqsatyn basshylyqqa alǵan. Búgingideı qoǵamda kitap mádenı qubylys retinde jaqsy jaǵynan tanylý kerektigide aıtyldy.
«Álemdik qoǵamdastyqtyń tolyqqandy múshesi bola otyryp, dúnıejúzilik tarıh aǵynynda qalý - bizdiń maqsatymyz. Elimiz jahandanýdyń jemisterin jep, ulttyq mádenıetti tanytý qajet. Bizdiń oıymyzsha, halyqtardyń mádenı ártúrliligin saqtaı otyryp, ortaq qundylyqtardy nyǵaıtý - mańyzdy máselerdiń biri. Planetarlyq sana ulttyq sanaǵa qarama-qaıshy emes, ol onyń damýynyń eń joǵarǵy formasy», – deıdi aqyn, tiltanýshy, saıasatker Oljas Súleımenov.
«Bilgamesh» álmanahynyń negizgi mısıasy - mádenıetterdi jaqyndastyrý. Qazaqstan bul ıdeıany mádenıetterdiń nelikten alshaqtap bara jatqanyn zertteý jáne túsiný úshin usyndy. Osy joba arqyly jastarymyz ejelgi dáýirdiń jazýlaryn, tilder men dinderdiń shyǵý tegin túsindirýge septigin tıgizedi. Sondaı-aq, gýmanıtarlyq bilimniń órkendeýin ózindik kómek kómektesedi.