Olar 2,5 mln teńgeden astam járdemaqy almaǵan.
Oqý-aǵartý mınıstrliginiń Balalardyń quqyqtaryn qorǵaý komıtetiniń tekserisi nátıjesinde 300-ge jýyq jetim balanyń quqyǵy qalpyna keltirildi, dep habarlaıdy Almaty-akshamy.kz Baq.kz silteme jasap.
Olar jalpy somasy 2,5 mln teńgeden astam járdemaqy almaǵan. Balalardyń quqyqtaryn qorǵaý komıtetiniń tekserisinen keıin kámeletke tolmaǵandarǵa tólenbegen járdemaqy qaıtaryldy.
«Bul másele ákimdikterdiń quzyryna jatady. Biraq bizdiń komıtet jaǵdaıdy baqylaýda ustap otyr. Tártip pen zańdylyqty qalpyna keltirý – bizdiń basty mindetimiz. 2022 jyldyń 1 sáýirinen bastap járdemaqy men basqa da áleýmettik tólemderdi esepteý úshin AEK 3 063 teńgeden 3 180 teńgege deıin óskenimen, járdemaqy eski AEK boıynsha tólenip kelgen. Járdemaqy mólsheriniń aıyrmashylyǵy qamqorshylardyń shottaryna jiberildi. Osylaısha jetim balalardyń quqyǵy qorǵaldy», – deıdi Balalardyń quqyqtaryn qorǵaý komıtetiniń tóraǵasy Nasymjan Ospanova.