Almatyda «Nurshashqan» shaǵyn aýdany turǵyndaryn qoljetimdi kólikpen qamtamasyz etý úshin jańa turaqty avtobýs baǵyty uıymdastyryldy.
№91 baǵyttaǵy avtobýs «Nurshashqan» shaǵyn aýdany – Almaty-2 temirjol vokzaly» baǵyty boıynsha 13 jeltoqsannan bastap qatynaıdy, dep habarlaıdy aqshamnews.kz.
Bul baǵytty «Almatyelektrotrans» JSHS «Golden Dragon» markaly gazben júretin avtobýstarymen qamtamasyz etedi. Kún saıyn 12 avtobýs jolǵa shyǵady, qozǵalys aralyǵy 12 mınýt.
Aıta ketý kerek, jolaýshylar men júkti avtokólikpen tasymaldaý erejesine sáıkes, marshrýt ýaqytsha baıqaý ótkizilgenge deıin tasymaldaýshyǵa berildi jáne synaq rejımde jumys isteıdi. Jolaýshylar legi men halyqtyń qajettiligin eskere otyryp, qozǵalys syzbasyna túzetýler engizilýi múmkin.
Esterińizge sala keteıik, bıyl megapolıs basshysy Erbolat Dosaevtyń tapsyrmasymen ákimdik 600 avtobýs, 112 troleıbýs jáne 100 elektroavtobýs satyp aldy. Jyl basynan beri qalalyq mobıldilik basqarmasy 18 qala mańyndaǵy jáne 3 qala ishindegi marshrýtty uıymdastyrdy.