Almatyda 21 jastaǵy alaıaq satýshylardy jalǵan túbirtekpen aldap ketti
Tártip saqshylardyń aıtýynsha, Ý.esimdi azamat ınternetten “Iphone” markaly uıaly telefondardy satý týraly jarnamalardy tapqan, dep habarlaıdy Almaty-akshamy.kz
«Ol satýshylarmen aldyn ala kezdesýge kelisip, habarlandyrýda kórsetilgen somaǵa jalǵan onlaın-aýdarym túbirtegin daıyndaǵan, ıaǵnı qaskóı kezdesýge daıyndalyp kelgen. Qylmystyq jolmen alynǵan uıaly telefondardy úshinshi tulǵalarǵa satqan. Al túsken qarajatty óz qalaýy boıynsha paıdalanǵan. Jedel-izdestirý is-sharalary barysynda 21 jastaǵy kúdikti qolǵa tústi. Qazir onyń qatysýymen tórt alaıaqtyq faktisi dáleldendi. Qylmystyq is sotqa deıingi tergeýdiń biryńǵaı tizilimine QR QK-niń 190-baby 3-bólimi boıynsha qozǵaldy», – dep habarlady Almaly aýdandyq polısıa basqarmasynyń bastyǵy Esen Ysqaqov.
Kúdikti qazir ýaqytsha ustaý ızolátorynda. Polısıa qyzmetkerleri aldanǵandardyń kóbirek bolýy múmkin ekenin joqqa shyǵarmaıdy.
«Ustalǵan adamnyń sýretine muqıat qaraýlaryńyzdy suraımyz. Osy azamattyń áreketinen zardap shekkenderdiń barlyǵyn myna telefon nómirleri arqyly habarlasýlaryn suraımyz: 8-708-707-9202; 8-705-555-7763; 8-775-719-2727», – dedi E.Ysqaqov.