"Qaırat" fýtbol klýbynyń bas bapkeri Rafael Ýrazbahtın juldyzǵa aınalǵan qaqpashy Temirlan Anarbekovtyń jaraqatyna qatysty suraqqa jaýap berdi, - dep habarlaıdy Aqshamnews.kz tilshisi. Bul týraly ol Almaty qalasynyń óńirlik komýnıkasıalar qyzmetiniń baspasóz otyrysynda jaýap berdi.
Ýrazbahtın Anarbekovtyń jaǵdaıy ázirge birqalypty ekenin aıtty.
"Dárigerlerdiń málimetinshe, qazir bastysy - bet aımaǵyndaǵy súıekterge, ásirese jaq súıegine artyq kúsh túsirmeý. Sondyqtan ázirge Temirlanǵa jaq súıegin ashatyn áreketter jasaýǵa ruqsat berilmeı otyr. Degenmen dárigerler jaǵdaıy birqalypty ekenin atap ótti. Qajetti tekserýler men baqylaýdan keıin ol jaqyn arada jattyǵýyna oralýy múmkin. Aldyn ala boljam boıynsha, 1–2 kúnde sporttyq daıyndyqty qaıta bastaýǵa ruqsat berilýi yqtımal, biraq bul sheshim tolyq medısınalyq tekserýdiń nátıjesine baılanysty bolady", - dedi bas bapker.
Eske salaıyq, Temirlan Anarbekov Qazaqstan premer lıgasynyń ishki machinde "Aqtóbe" FK qarsy oıynda jaq súıeginen jaraqat alǵan bolatyn.