Almatyda aldaǵy demalys kúnderi Túrkistan oblysynyń taýaróndirýshileri qatysatyn keńeıtilgen aýyl sharýashylyǵy jármeńkesi ótedi, - dep habarlaıdy Aqshamnews.kz tilshisi.
Jármeńkege oblystyń 16 aýdany men Túrkistan qalasy qatysady. Almaty turǵyndary men qonaqtaryna jergilikti óndirýshilerdiń 50-den astam túrli ónimi usynylady. Olardyń ishinde et-sút ónimderi, jemis-kókónis pen shujyq túrleri, un, jarma, ósimdik jáne maldyń maıy jáne kúndelikti tutynýǵa qajetti ózge de taýarlar bar. Jalpy 500 tonna ónim jetkiziledi. Onyń ishinde 100 tonna et ónimi, 250 tonna jemis-kókónis, 30 tonna sút ónimderi jáne 120 tonnaǵa jýyq ózge de ónimder.
Jármeńke 27-28 qyrkúıekte saǵat 8:00-den 17:00-ge deıin Qazybek bı kóshesinde, Abylaı han dańǵylynan Panfılov kóshesine deıingi aralyqta ótedi. Kelýshiler fermerlik ónimderdi deldalsyz, óndirýshilerden tikeleı qoljetimdi baǵamen satyp alyp, Túrkistan oblysynyń aýyl sharýashylyǵy taýarlarynyń assortımentimen tanysa alady.
