2025 jyldyń basynan beri Almatyda jalpy somasy 97,7 mlrd teńge bolatyn shaǵyn jáne orta bıznestiń 647 jobasyna memlekettik qoldaý kórsetildi. Bul týraly Almatynyń Kásipkerlik jáne ınvestısıalar basqarmasy habarlady.
Sýbsıdıalaýǵa, kepildik berýge jáne nesıeleýge 50,6 mlrd teńge jumsaldy. Onyń 18 mıllıardy respýblıkalyq búdjetten, al 32,6 mıllıardy jergilikti búdjetten bólindi.
Biryńǵaı keshendi baǵdarlama boıynsha 51,3 mlrd teńgege 309 joba qarjylandyryldy, onyń ishinde 242 jobaǵa 47,8 mlrd teńge kóleminde sýbsıdıa berildi, taǵy 67 jobaǵa 3,5 mlrd teńge nesıe berildi.
«Almaty Bıznes – 2025» óńirlik baǵdarlamasy boıynsha 5,4 mlrd teńgege 50 joba qarjylandyryldy, al «Jana business» baǵdarlamasy aıasynda 153 jobaǵa 13,7 mlrd teńge kóleminde qoldaý kórsetildi.
Buǵan qosa, qalada kepildik qorlary arqyly qaryzdarǵa kepildik berý tetigi júzege asyrylyp jatyr: 15,2 mlrd teńgege 122 joba maquldandy, onyń 7,9 mlrd-y kepildik esebinen.
Sonymen qatar, «Damý» Qory ónerkásip, kólik, týrızm, bilim berý, densaýlyq saqtaý syndy basym salalarda SHOB úshin «Órleý» jeńildetilgen nesıe berý baǵdarlamasyn iske qosty. Osy baǵdarlama boıynsha 12,1 mlrd teńgege 13 joba qarjylandyryldy.