Aqmola oblysynyń Atbasar aýdanynda aýyr jol-kólik oqıǵasy boldy, - dep habarlaıdy Aqshamnews.kz tilshisi.
23 qyrkúıekte Volkswagen Golf pen Lada Granta kólikteri soqtyǵysyp, saldarynan qaıǵyly jaǵdaıǵa ulasty. Bul týraly oblystyq polısıa departamentiniń baspasóz qyzmeti.
Resmı derekterge sáıkes, Volkswagen Golf kóligindegi kámeletke tolmaǵan jolaýshy oqıǵa ornynda kóz jumdy. Sondaı-aq osy kóliktiń júrgizýshisi men tórt jolaýshysy jáne Lada Granta-nyń júrgizýshisi men jolaýshysy ártúrli dene jaraqattarymen aýrýhanaǵa jetkizilgen.
Qazirgi ýaqytta atalǵan fakti boıynsha sotqa deıingi tergeý júrgizilip jatyr. Prosesýaldyq sheshim tergeý nátıjesine qaraı qabyldanady.
Polısıa departamenti júrgizýshilerge jol erejesin qatań saqtap, jyldamdyqty shamadan tys asyrmaýǵa jáne kóliktiń tehnıkalyq jaǵdaıyna nazar aýdarýǵa keńes berdi.