Májílís mádenı ís-sharalarda fonogramma qoldanuǵa qatysty talaptardy kúsheıttí, - dep habarlaıdy Aqshamnews.kz tílshísí.
24 qyrkúıekte Májílís mádenıet, bílím beru, otbasy jáne memlekettík baqylau salasyna qatysty zańnamalyq túzetulerdí ekínshí oqylymda qabyldady. Qūjatta kontsertter men basqa da mádenı-būqaralyq ís-sharalarda fonogramma qoldanu erejelerí qatańdatyldy.
Jūmys tobynyń jetekshísí, deputat Rınat Zaıyttyń aıtuynsha, jańa talaptar fonogrammaǵa tolyq tyıym saludy kózdemeıdí, bíraq 200 adamnan kóp syıymdylyǵy bar ís-sharalardy qamtıdy. Arnaıy dybys qūral-jabdyqtary joq nemese beıímdelmegen alańdarda fonogramma qoldanuǵa rūqsat etíledí.
"Basty maqsat - kórermen qūqyǵyn qorǵau. Bıletke 25–50 myń teńge tólegen adam shynaıy ónerdí kóríp, ánshíníń kásíbı daıyndyǵyn baǵalaı aluy kerek. "Auzyn jybyrlatqan" ártís tyńdauǵa jol berílmeuge tıís", - dedí Zaıyt.
Deputattyń aıtuynsha, zańsyz fonogramma paıdalanǵan jaǵdaıda jauapkershílík ís-shara ūıymdastyrushylaryna júkteledí. Būl - kontsertke kelísímshart jasaıtyn, sahnany jaldaıtyn jáne bılet satatyn tūlǵalar. Qazírgí ūsynysqa sáıkes, aıyppūl kólemí 1 000 aılyq eseptík kórsetkíshke (shamamen 3,5 mln teńge) deıín jetuí múmkín.
Jańa normalar mádenı ís-sharalardyń sapasyn arttyrudy jáne kórermenníń aqshasyna laıyqty deńgeıde óner kórsetuín qamtamasyz etudí maqsat etedí.