Memlekettik satyp alýlarǵa qatysý úshin jalǵan qujattar jasap, 70 mıllıard teńgege jýyq kelisimshart jeńip alǵan qylmystyq top anyqtaldy, – dep habarlaıdy Aqshamnews.kz.
Qarjy monıtorıńi agenttiginiń Almaty qalasy boıynsha departamenti qurylys salasyndaǵy memlekettik satyp alýlar kezinde jalǵan málimetterdi qoldanǵan adamdar tobyna qatysty sotaldy tergep-tekserý jumystaryn júrgizip jatyr.
Tergeý málimetinshe, 2021 jyldan 2024 jylǵa deıin kúdiktiler jalǵan kompanıalar arqyly tenderlerge qatysyp, jalǵan qujattar men málimetterdi paıdalaný arqyly reıtıńterin qoldan kótergen.
Bul "qyzmet" úshin uıymdastyrýshylar klıentterden 500 myńnan 1,5 mıllıon teńgege deıin syıaqy alyp otyrǵan.
Zańsyz jolmen alynǵan jalpy tabys 664 mıllıon teńgeden asqan. Bul qarajatqa 11 avtokólik pen 12 jyljymaıtyn múlik (onyń ishinde 5 páter men 7 jer ýchaskesi) satyp alynǵan.
Tergeý boljamy boıynsha, dál osy zańsyz tásilder arqyly jalpy somasy 70 mıllıard teńgege jýyq kelisimsharttar jasalǵan.
Qazir tórt kúdikti ustalyp, tergeý ızolátoryna qamaldy.
QR Qylmystyq-prosestik kodeksiniń 201-babyna sáıkes, ózge aqparattar tergeý múddesine baılanysty jarıalanbaıdy.