Qazaqstandaǵy turǵyn úı keshenderinde ne úshin aıyppul salynýy múmkin? Aqshamnews.kz tilshisi anyqtap kórdi.
Aıyppuldar: kireberiste ne isteýge bolmaıdy?
Qoqys paketterin kireberiske shyǵarýǵa bolmaıdy
Esik aldyna kishkentaı qoqys paketin qoısańyz da, bul ereje buzý bolyp esepteledi jáne Ákimshilik quqyqbuzýshylyq týraly kodekstiń 434-2-baby "Qoǵamdyq oryndardy lastaý" boıynsha saralanady.
Aıyppul: jeke tulǵalar úshin – 10-nan 20 AEK-ke deıin (39 320 teńgeden 78 640 teńgege deıin).
Temekiniń tuqylyn jáshikke tastamaı, terezeden nemese podezde laqtyrý, sondaı-aq podezde shylym shegýge bolmaıdy
Páter terezesi ne balkonynan tastalǵan temeki tuqyly buzýshylyq bolyp esepteledi jáne KoAP-tyń 434-2-babyna jatady – "Qoǵamdyq oryndardy lastaý".
Aıyppul: jeke tulǵalar úshin – 10-nan 20 AEK-ke deıin (39 320 – 78 640 teńge)".
Podezd sıaqty ortaq paıdalanylatyn oryndarda shylym shegý, onyń ishinde qyzdyrylatyn temeki buıymdary, kalán temekisi, kalán qospalary, temekini qyzdyrýǵa arnalǵan júıeler, elektron tutyný júıeleri men olarǵa arnalǵan suıyqtyqtardy qoldaný tyıym salynǵan. Olardy tutynýǵa tyıym salý zańnamada rettelgen.
KoAP 441-baby – "Belgilenbegen oryndarda shylym shegý"
Aıyppul: 15 AEK (58 980 teńge)
Podezde alkogól ishýge bolmaıdy
Kópqabatty úı podezinde alkogól ishetinder kórshilerge jaısyzdyq týdyryp qana qoımaı, qoǵamdyq tártip erejelerin de buzady.
Turǵyn úı podezderinde alkogóldi ishimdikter ishý Ákimshilik quqyqbuzýshylyq týraly kodekstiń 440-babyna "Alkogóldi ishimdikter ishý nemese qoǵamdyq oryndarda mas kúıinde bolý" sáıkes saralanady.
Aıyppul: 5 AEK (19 660 teńge)".
Podezd qabyrǵalaryna sýret salý nemese ǵımarattyń qasbetin búldirýge bolmaıdy
Kópqabatty úıdiń qabyrǵasyna óz "izin" qaldyrǵan adam tek estetıkany buzyp qoımaı, zańdy da buzady.
Ǵımarattar, basqa qurylystar, turǵyn úıler, ortaq paıdalanylatyn oryndar, kóliktegi múlik jáne basqa da qoǵamdyq oryndardy búldirgender zań aldyda jaýap beredi.
Aıyppul: 50 AEK (197 600 teńge) nemese 5-ten 20 táýlikke deıin ákimshilik qamaý".
Jóndeýden keıingi qoqysty qaldyrýǵa bolmaıdy
Úıińizdiń mańynda nemese ortaq aýmaqta qurylys qaldyqtaryn ýaqytsha saqtaý da zań erejelerin buzý bolyp esepteledi.
Qurylys qoqystaryn podezde nemese ortaq aýmaqta qaldyrý ÁQbtK 505-baby "Qalalar men eldi mekenderdiń aýmaqtaryn kórkeıtý erejelerin buzý, ınfraqurylym nysandaryn joıý, kógaldardy joıý jáne búldirý" boıynsha qaralady.
Aıyppul: 20-dan 30 AEK-ke deıin (78 640 – 117 960 teńge)".
Podezde velosıped, arba jáne basqa da jeke zattardy qaldyrý
Kireberiste velosıped nemese baspaldaq alańyna eski jıhaz saqtaý evakýasıaǵa kedergi keltirip, órt qaýipsizdigi erejelerin buzady.
Jeke zattardy (velosıped, jıhaz jáne t.b.) ortaq paıdalanylatyn oryndarda saqtaý ÁQbtK 410-babyna sáıkes "Órt qaýipsizdigi talaptaryn buzý nemese oryndamaý" saralanady.
Aıyppul: 5-ten 10 AEK-ke deıin (19 660 – 39 320 teńge)".
Podezde nemese ruqsat etilmegen jerde ıt, mysyq ustaý
Janýarlardy ruqsat etilmegen jerlerde serýendetý nemese podezde ustaý kórshilerge jaısyzdyq týdyryp qana qoımaı, sanıtarlyq normalardy buzady.
Aıyppul: 10-nan 20 AEK-ke deıin (39 320 – 78 640 teńge)".
Túnde shýlaýǵa bolmaıdy
Tún ishinde mýzykay qatty qoıý nemese jóndeý jumystaryn jasaý kórshilerdiń tynyshtyǵyn buzǵany úshin aıyppul salýǵa negiz bola alady.
Tynyshtyqty buzý jumys kúnderi saǵat 22:00–09:00, demalys jáne mereke kúnderi 23:00–10:00 aralyǵynda tirkeledi. Bul – ÁQbtK-tiń 437-baby boıynsha retteledi.
– Jeke tulǵalar úshin – 5 AEK (19 660 tg)
– Shaǵyn bıznes – 20 AEK (78 640 tg)
– Orta bıznes – 30 AEK (117 960 tg)
– İri kásipkerler – 100 AEK (393 200 tg).
Qoǵamdyq oryndarda (onyń ishinde turǵyn úı kesheniniń aýmaǵynda) ne isteýge bolmaıdy?
Kórshilerge tıisýge bolmaıdy
Eger podezd nemese turǵyn úı kesheniniń aýmaǵynda bireý kórshilerge tıisip, balaǵat sózder aıtyp, jaǵymsyz usynystar jasasa, bul qoǵamdyq tártipti buzý bolyp esepteledi jáne aıyppul salynady.
Aıyppul: 5–10 AEK (19 660 – 39 320 teńge) nemese 5 táýlikke deıin ákimshilik qamaý".
Kóshede nemese podezde dáret syndyrýǵa bolmaıdy
Eger bireý qoǵamdyq jerde, aýlada, podezdiń janynda nemese ishinde dáret syndyrsa, bul sanıtarlyq normalardy buzý jáne qoǵamdyq tártipti buzý bolyp esepteledi.
Aıyppul: 20 AEK (78 640 teńge) nemese 5–15 táýlikke deıin ákimshilik qamaý".
Turǵyn úı kesheni aýmaǵynda ne isteýge bolmaıdy?
Avtokólikti ruqsat etilmegen jerge qoıýǵa bolmaıdy
Kólikti gazonǵa nemese park aımaǵyna qoıý kógaldarǵa zıan keltiredi jáne abattandyrý erejesin buzý sanalady.
ÁQbtK-tiń 505-baby boıynsha – "Qalalar men eldi mekenderdiń aýmaǵyn kórkeıtý erejelerin buzý, ınfraqurylym nysandaryn joıý, kógaldardy búldirý".
Aıyppul: 5-ten 30 AEK-ke deıin (19 660 – 117 960 teńge)".
Kólikti podezd aldyna qoıýǵa bolmaıdy
Kólikti podezdiń aldyna qoıý basqa turǵyndarǵa kedergi keltiredi jáne kólik quraldaryn toqtatý erejesin buzý sanalady.
Aıyppul: 5-ten 30 AEK-ke deıin (19 660 – 117 960 teńge).
Kólikti aýlada jýýǵa bolmaıdy
Turǵyn úı aýlasynda kólikti jýý, ásirese hımıalyq zattardy qoldaný aýmaqty lastap, sanıtarlyq normalardy buzady.
Aıyppul: 5-ten 30 AEK-ke deıin (19 660 – 117 960 teńge).
Almatydaǵy kópqabatty úılerde jıi kezdesetin quqyqbuzýshylyqtar
Almaty qalalyq polısıa departamentiniń málimetinshe,
kóp jaǵdaıda turǵyndar podezge qoqys jınaý, úı mańynda kólik jýý, jóndeýden keıingi qurylys qoqystaryn úıip qoıý, qurylys materıaldaryn jáne iri gabarıt zattardy saqtaý sıaqty qoǵamdyq tártip erejelerin buzady.