Almaty qalasy boıynsha qarjylyq monıtorıń agenttiginiń aýmaqtyq departamenti materıaldyq syıaqy alý úshin jalǵan shot-faktýralar men bastapqy býhgalterlik qujattardy shyǵarýmen aınalysqan Q.Bolat, Ý.Qystaýbaev basqarǵan 7 adamnan turatyn qylmystyq topqa jáne basqa da tulǵalarǵa qatysty sotqa deıingi tergep-tekserýdi aıaqtady, dep habarlaıdy Almaty-akshamy.kz QR QMA baspasóz qyzmetine silteme jasap.
Tergeý barysynda atalǵan tulǵalardyń ózderiniń baqylaýyndaǵy 4 komersıalyq kompanıa arqyly qyzmetter kórsetý jáne taýarlardy jóneltý, jumystardy naqty oryndamaı jalǵan shot-faktýralardy shyǵaryp, salyq tóleýden jaltarý, 2018-2020 jyldar aralyǵynda jalpy somasy 3 mlrd. teńgeni quraǵan komersıalyq uıymdarǵa jumystar jasaǵan.
Aıyptalýshylardyń turǵylyqty jeri boıynsha tintý júrgizý barysynda mórler, bank kartalary, kompúterler, noýtbýkter, buryn qolma-qol alynǵan 7 mln.teńge aqshasy, sondaı-aq, salmaǵy 849 gr bolatyn tyıym salynǵan «marıhýana» esirtki zattaryn ósirý faktisi anyqtaldy.
Sot úkimimen aıyptalýshylar QR QK-niń 216-babynyń 3-bóligi (is júzinde jumystar oryndalmaı, qyzmetter kórsetilmeı jáne taýar tıep-jóneltilmeı shot-faktýra jazý boıynsha is-áreketter jasaý) boıynsha kináli dep tanylyp, 3 jyldan 4,8 jylǵa deıin ártúrli merzimge bas bostandyǵynan aıyrýǵa sottalǵan.
Tyıym salynǵan esirtki zattardy tabý faktisi boıynsha sotqa deıingi tergeý Almaty qalasynyń PD tergeýi boıynsha berildi.