İİM avtokólikti jalǵan qujattar boıynsha tirkegen qylmystyq toptardy ustady
İİM uıymdasqan qylmysqa qarsy kúres bólinisteri shetelden ákelingen avtokólikterdi zańsyz tirkeýmen aınalysqan qylmystyq toptardyń jolyn kesý jáne olardy ustaý boıynsha jedel-tergeý is-sharalaryn júrgizdi, – dep habarlaıdy almaty-akshamy.kz Polisia.kz. silteme jasap.
Máselen, Aqmola oblysynda tirkeýge zańsyz qoıylǵan júk avtokólikteri anyqtaldy. Ótken jyldyń aqpan aıynan aǵymdaǵy jyldyń sáýir aıyna deıin qylmystyq top alǵashqy memlekettik tirkeý alymyn tólegeni týraly jalǵan qujattardy paıdalana otyryp, 62 júk avtomashınasyn qazaqstandyq esepke qoıǵan.
Árbir júk avtomashınasyn alǵashqy memlekettik tirkegeni úshin resmı tólem shamamen 7-8 mln teńge bolýy tıis edi. Aldyn ala derekter boıynsha memleketke keltirilgen shyǵyn shamamen 500 mln teńgeni quraǵan.
Almaty qalasynda uıymdasqan qylmysqa qarsy kúres qyzmetkerleri taǵy bir qylmystyq topty anyqtady. Kúdiktiler Qazaqstanǵa Ońtústik Koreıadan jetkizilgen jeńil avtokólikterdi zańsyz tirkegen. Sondaı-aq jalǵan qujattar boıynsha tirkelgen 250 avtokólik anyqtaldy, olar boıynsha memleketke keltirilgen shyǵyn 340 mln teńgeden astam.
Bul jaǵdaıda qylmystyq top kólik quraldaryna jalǵan qujattar jasaǵan, olar shyǵarylǵan jylyn 2018-2020 jyldar dep ózgertken, alǵashqy memlekettik tirkeý úshin belgilengen somany tólemegen. Astana qalasynda qylmystyq top avtokólikterdi avtobólshekter túrinde jetkizýdi uıymdastyrǵan jáne olardyń shanaqtaryn aýystyrý týraly jalǵan qujattar arqyly qazaqstandyq esepke qoıǵan.
– Kúdiktiler ustalyp, kinálaryn moıyndady. Sonymen qatar olardan zattaı dáleldemeler men jalǵan qujattar tárkilendi. Tergeý amaldary jalǵasýda, – dedi QR İİM uıymdasqan qylmysqa qarsy kúres departamentiniń basqarma bastyǵy Qýandyq Alpys.