Áleýmettik jelilerde júrgizilgen monıtorıń barysynda JQE buzýdyń óreskel derekteri belgili boldy, dep habarlaıdy Almaty-akshamy.kz.
«Qabyldanǵan sharalardyń arqasynda kólik ustaldy. Júrgizýshige qatysty QR ÁQBtK-niń 590-baby 3-bóligi (Kólik quraldaryn paıdalaný qaǵıdalaryn buzý) jáne QR ÁQBtK-niń 590-baby 4-bóligi (Kórineý jalǵan nemese qoldan jasalǵan memlekettik tirkeý nómiri belgileri (belgisi) bar kólik quralyn basqarý, sol sıaqty memlekettik tirkeý nómiri belgilerin (belgisin) sáıkestendirýge kedergi keltiretin ne olardyń túrin ózgertetin nemese jasyratyn qurylǵylar men materıaldar qoldanyla otyryp jabdyqtalǵan memlekettik tirkeý nómiri belgileri (belgisi) bar kólik quralyn basqarý) boıynsha ákimshilik hattamalar toltyryldy. Kólik mamandandyrylǵan aıyppul turaǵyna qoıyldy. Sonymen qatar Dostyq pen Qabanbaı batyr kósheleriniń qıylysynda JQE óreskel buzyp, tótenshe jaǵdaı týǵyzǵan BMW avtokóliginiń júrgizýshisine ákimshilik shara qoldanyldy. Onyń áreketi QR ÁQBtK-niń 596-baby 3-bóligi, QR ÁQBtK-niń 230-baby 2-bóligi jáne QR ÁQBtK-niń 606-baby 2-bóligimen saralanady. Kólik aıyppul turaǵyna jetkizildi», – dedi Almaty qalasy PD JPQB-nyń izdestirý bóliminiń bastyǵy Qaısar Tólebekov.
Qylmysqa múldem tózbeýshilik qaǵıdatyn nyǵaıtý, kóshelerde jáne basqa da qoǵamdyq oryndarda tıisti qoǵamdyq tártipti saqtaý, maqsatynda aǵymdaǵy jyldyń 20-30 qarashasy aralyǵynda qalada “Quqyqtyq tártip” jalpyrespýblıkalyq jedel-aldyn alý is-sharasy ótkizilip jatyr. Ol jol qozǵalysy erejelerin buzýdy anyqtaýǵa jáne jolyn kesýge baǵyttalǵan.