Almatyda jalǵa alǵan múlikti satyp jibergen er adam anyqtaldy.
Almaty qalasy, Áýezov aýdanynyń polısıa qyzmetkerleri 2 alaıaqtyq deregin ashty, dep habarlaıdy Almaty-akshamy.kz Polisia.kz-ke silteme jasap.
«Kúdikti QR QK-niń 190-baby 3-bóligi boıynsha qylmys jasady degen kúdikpen ustaldy. Ol óz kinásin moıyndady. Boljam boıynsha, A. esimdi azamat kez kelgen tehnıkany jalǵa berý týraly habarlandyrýlardy izdegen. Osylaısha, kúdikti klıentterdiń birimen Sony PlayStation oıyn prıstavkasyn jalǵa alýǵa kelisken. Ony alǵannan keıin kúdikti belgisiz baǵytta jasyrynyp qaldy. Taǵy bir jaǵdaıda joǵaryda atalǵan er adam Kia kóligin jalǵa alǵan. Kólikti “jalǵa berý” zardap shekken tarapqa 6 mln teńgege tústi», – deıdi Áýezov aýdandyq polısıa basqarmasynyń bastyǵy Ulan Ábilqaıyr.
Jedel izdestirý is-sharalary barysynda 35 jastaǵy A. esimdi azamat ustaldy. Qazir ol ýaqytsha ustaý ızolátoryna qamaýǵa alyndy. Kúdiktiniń qalada buryn jasalǵan osyǵan uqsas qylmystarǵa qatysy bar-joǵy anyqtalyp jatyr. QR QPK-niń 201-baby jáne QR Konstıtýsıasynyń normalaryna sáıkes, basqa da málimetter jarıa etýge jatpaıdy.