Almaty qalasynyń polısıa departamenti habarlaǵandaı, jol apaty 24 jeltoqsan kúni saǵat 22:00 shamasynda tirkelgen.
Chevrolet avtokóliginiń júrgizýshisi Altynsarın kóshesimen ońtústik baǵytta, Abaı dańǵyly mańynda qozǵalyp kele jatyp, 2008 jyly týǵan qyzdy qaǵyp ketken, - dep habarlaıdy Aqshamnews.kz.
Aldyn ala málimet boıynsha, jábirlenýshi jaıaý júrginshiler ótkelinen ótip bara jatqan. Oqıǵa saldarynan ol jaraqat alyp, medısınalyq mekemege jetkizildi. Qazir jol-kólik oqıǵasynyń barlyq mán-jaıy anyqtalýda.